Neft qiymətilə bağlı bədbin proqnoz - 40 dollaradək düşə bilər

Neft qiymətilə bağlı bədbin proqnoz - 40 dollaradək düşə bilər

Goldman Sachs-dan 2026-cı il üçün neft qiyməti proqnozu

Neft qiymətilə bağlı bədbin proqnoz - 40 dollaradək düşə bilər

Qlobal investisiya bankı Goldman Sachs, Brent neftinin 2026-cı ildə orta hesabla 56 dollar, Qərbi Texas (WTI) neftinin isə 52 dollar səviyyəsində olacağını proqnozlaşdırıb. Bank, qiymətlərin 2027-ci ildən etibarən bərpa olunacağını gözləyir. Proqnoza əsasən, Brent 2028-ci ilin sonunda 80 dollar səviyyəsinə çatacaq.

Marja.az-ın məlumatına görə, Goldman Sachs, qlobal neft bazarında gündə təxminən 2 milyon barellik təklif artığı səbəbindən qiymətlərin 2026-cı ildə də aşağı düşəcəyini bildirir.

Bankın qiymətləndirməsinə görə, Brent neftinin 2026-cı il üzrə orta qiyməti (56 dollar) və WTI neftinin qiyməti (52 dollar) hazırkı fyuçers qiymətlərindən aşağıdır (Brent 64 dollar, WTI 60 dollar).

Təklif artığının səbəbləri arasında pandemiyadan əvvəl verilmiş, lakin Covid dövründə təxirə salınmış uzunmüddətli investisiya qərarlarının indi işə düşməsi və OPEC+ ölkələrinin hasilat məhdudiyyətlərini aradan qaldırması göstərilir. ABŞ və Braziliya kimi istehsalçıların da hasilatı artırması qiymətlər üzərində əlavə təzyiq yaradır.

Beynəlxalq Enerji Agentliyi isə 2026-cı ildə qlobal neft bazarında gündə 4,09 milyon barel həcmində artıq təklif ola biləcəyini açıqlayıb.

2027-ci il üçün artım proqnozu

Goldman Sachs, qiymətlərin 2027-ci ildən etibarən yüksəlişə keçəcəyini gözləyir. Bankın proqnozuna görə, 2028-ci ilin sonunda Brent 80 dollar, WTI isə 76 dollar səviyyəsinə çatacaq. Bununla yanaşı, xəbərdarlıq edilib ki, 2026–2027 dövründə Brent qiymətləri 40 dollaradək enə və ya Rusiyanın təklifində kəskin azalma baş verərsə 70 dolların üzərinə qalxa bilər.

Hazırda Brent fyuçersləri 64,19 dollara, WTI fyuçersləri isə 43 dollar azalaraq 59,93 dollar səviyyəsində ticarət olunur.

Goldman Sachs neft proqnozu 2026 neft qiymətləri Brent neft qiyməti WTI neft qiyməti neft bazarı proqnozu qlobal neft təklifi neft bazarı 2026 neft qiymətləri 2027 Brent 56 dollar WTI 52 dollar OPEC+ hasilat enerji bazarı analizi Beynəlxalq Enerji Agentliyi proqnozu neft fyuçersləri enerji sektoru xəbərləri neft qiymətlərinin düşməsi neft təklifi artığı Rusiyanın neft təklifi 2028 neft proqnozu Brent 80 dollar

18.11.2025 14:48