“Azərpoçt” “Silk Way West Airlines” əməkdaşlıq memorandumu imzalayıb

“Azərpoçt” bağlamaların daşınması üçün “Silk Way West Airlines”a məxsus qlobal uçuş şəbəkəsindən istifadə edəcək

“Azərpoçt” “Silk Way West Airlines” əməkdaşlıq memorandumu imzalayıb

AZCON Holding şirkətlərindən olan “Azərpoçt” MMC və regionun aparıcı yükdaşıyıcılarından olan “Silk Way West Airlines” arasında əməkdaşlıq memorandumu imzalanıb.

Memorandum poçt logistikası, hava nəqliyyatı və e-ticarət daşımaları sahələrində tərəfdaşlığın gücləndirilməsini və qarşılıqlı əməkdaşlığın genişləndirilməsini nəzərdə tutur. Eyni zamanda beynəlxalq və yerli yük daşımaları, poçt çeşidlənməsi, anbar xidmətləri və logistika proseslərinin optimallaşdırılması kimi istiqamətlərdə strateji əməkdaşlığı müəyyən edir.

Hər iki qurum öz təcrübə və infrastruktur imkanlarını birləşdirərək Azərbaycanın daxilində və xaricində poçt və yükdaşımanın səmərəliliyini artırmağı hədəfləyir.

Memoranduma əsasən, “Azərpoçt” beynəlxalq e-ticarət bağlamalarının və poçt göndərişlərinin Bakıya və digər istiqamətlərə daşınması üçün “Silk Way West Airlines”a məxsus qlobal uçuş şəbəkəsindən istifadə edəcək. Bu, yük həcmini artıracaq, eyni zamanda ölkə daxilində çeşidləmə, son çatdırılma və emal əməliyyatlarını təmin edəcək.

Qeyd edək ki, əməkdaşlıq, həmçinin Ələt Azad İqtisadi Zonasında yeni imkanların yaranmasına təkan verəcək. Tərəflər burada birgə logistika həlləri və müasir paylama modellərinin tətbiqini planlaşdırır.

Azərpoçt AZCON Holding Silk Way West Airlines əməkdaşlıq memorandumu poçt logistikası hava yükdaşıma e-ticarət daşımaları beynəlxalq yükdaşıma yerli yükdaşıma poçt çeşidlənməsi anbar xidmətləri logistika prosesləri hava nəqliyyatı əməkdaşlığı strateji tərəfdaşlıq qlobal uçuş şəbəkəsi e-ticarət bağlamaları poçt göndərişləri Bakıya yük daşınması son çatdırılma emal əməliyyatları Ələt Azad İqtisadi Zonası logistika həlləri paylama modelləri regional logistika mərkəzi daşınma səmərəliliyi Azərbaycan logistika sektoru beynəlxalq poçt daşımaları yük həcminin artırılması.

17.11.2025 12:30