Marsol Group partnyorları Abşeron Ticarət Mərkəzini ziyarət etdi

Marsol Group partnyorları Abşeron Ticarət Mərkəzini ziyarət etdi

Marsol Group-un sədri Tural Mustafayev yerli sahibkarlığın inkişafında tərəfdaşlıq münasibətlərinin əhəmiyyətini vurğulayıb, Abşeron Ticarət Mərkəzinin İdarə Heyətinin sədri Araz Rəhimov sahibkarlara yaradılan şərait və infrastruktur barədə iştirakçıları məlumatlandırıb.

Marsol Group partnyorları Abşeron Ticarət Mərkəzini ziyarət etdi

Noyabrın 13-də Marsol Group partnyorları ofis ziyarəti çərçivəsində “Abşeron Ticarət Mərkəzi”ndə qonaq olub.

Sahibkarlar biznes istiqamətləri barədə məlumat paylaşaraq, qarşılıqlı əməkdaşlıq üçün imkanları müzakirə ediblər.

Görüş Abşeron Ticarət Mərkəzində fəaliyyət göstərən, Marsol Group partnyoru pərdə və döşəməlik qumaşların satışı ilə məşğul olan “Sarvagelli”nin şourumunda baş tutub.

Şirkətin rəhbəri İlkin Rəcəbli şirkətin fəaliyyəti və məhsul çeşidləri barədə ətraflı məlumat verib. Daha sonra Marsol Group-un təsisçisi və İCMA-nın İdarə Heyətinin sədri Tural Mustafayev biznes subyektləri arasında əlaqələrin gücləndirilməsinin, yerli sahibkarlığın inkişafında tərəfdaşlıq münasibətlərinin əhəmiyyətini vurğulayıb.

Həmçinin görüşdə iştirak edən Abşeron Ticarət Mərkəzinin İdarə Heyətinin sədri Araz Rəhimov mərkəzin fəaliyyəti, müəssisələrə yaradılan şərait və infrastruktur barədə iştirakçıları məlumatlandırıb.

Daha sonra qonaqlara “Sarvagelli” şirkəti tərəfindən hədiyyələr təqdim olunub.

Sonda Marsol Group partnyoru “Art Jalüz” şirkətinin şourumu ziyarət olunub. Şirkətin təsisçisi Bəxtiyar Zeynallı qonaqları istehsalat sahəsi və məhsulları ilə yaxından tanış edib.

Tədbir çərçivəsində partnyor şirkətlərin nümayəndələrinin iştirakı ilə Abşeron Ticarət Mərkəzində ekskursiya təşkil olunub. Ekskursiya zamanı iştirakçılar mərkəzin logistika və ticarət imkanları ilə yaxından tanış olublar.

Nəzərinizə çatdıraq ki, Marsol Group partnyoru olan Abşeron Ticarət Mərkəzi 300 hektarlıq ərazisi ilə Qafqazda inşa olunmuş ən böyük ticarət mərkəzidir. Nəhəng ticarət mərkəzində 1500-dən çox mağaza, yüz minlərlə çeşiddə məhsul var.

Ətraflı:

İnstagram: @absheron.tm
İnstagram: marsol.az

Marsol Group Abşeron Ticarət Mərkəzi Sarvagelli Art Jalüz biznes partnyorları ofis ziyarəti ticarət mərkəzi pərdə və döşəməlik kumaş tekstil şourumu logistika imkanları ticarət infrastrukturu sahibkar əməkdaşlığı Tural Mustafayev İlkin Rəcəbli Araz Rəhimov Bəxtiyar Zeynallı Qafqazın ən böyük ticarət mərkəzi mağaza müxtəlifliyi biznes əlaqələri yerli sahibkarlıq şourum ziyarəti biznes ekskursiyası

15.11.2025 16:34