Expressbank Ağdamda “Zəfər naminə” ağacəkmə aksiyası keçirib

Expressbank Ağdamda “Zəfər naminə” ağacəkmə aksiyası keçirib

Expressbank Ağdamda “Zəfər naminə” ağacəkmə aksiyası keçirib

Expressbank sosial məsuliyyət strategiyasına sadiq qalaraq “Təbiətə qayğı – Gələcəyə miras” layihəsi çərçivəsində həyata keçirdiyi ənənəvi ağacəkmə aksiyasını bu il “Zəfər naminə!” şüarı altında 44 Günlük Vətən Müharibəsindəki zəfərimizin 5-ci ildönümünə həsr edib.

Zəfər Günü münasibətilə keçirilən bu aksiya Ağdam, Füzuli və Xocavənd rayonlarında Azərbaycan Prezidentinin xüsusi nümayəndəliyinin dəstəyi ilə Expressbank əməkdaşları tərəfindən Ağdamın Sarıcalı kəndində təşkil edilib. Aksiya çərçivəsində əraziyə 200 ədəd Yapon əzgili, Xan çinarı və Eldar şamı kimi iqlim şəraitinə uyğun, uzunömürlü ağac növləri əkilib.

Bu təşəbbüs azad edilmiş torpaqlarda ekoloji tarazlığın bərpasına və yaşıllıqların artırılmasına töhfə verməklə yanaşı, şəhidlərimizin xatirəsinə ehtiram rəmzi kimi həyata keçirilib.Layihə Expressbankın dayanıqlı bankçılıq prinsiplərinə əsaslanaraq cəmiyyətə, ətraf mühitə və gələcək nəsillərə dəyər qatmaq məqsədini daşıyır. Bank sosial məsuliyyət strategiyası çərçivəsində həyata keçirdiyi ekoloji təşəbbüslərlə ölkənin yaşıl gələcəyinə töhfə verməyə, ətraf mühitin qorunmasına və dayanıqlı inkişaf məqsədlərinin reallaşmasına daim dəstək göstərir.

Qeyd edək ki, 2025-ci il ərzində Expressbank Böyük Zəfərin 5-ci ildönümünün əhəmiyyətini bir sıra silsilə tədbirlərlə vurğulayıb. Belə ki, Bank “YAŞAT” Xeyriyyə Marafonuna 50 000 AZN ianə ilə qoşularaq şəhid övladlarının təhsil imkanlarının genişlənməsinə və onların gələcəyinin formalaşmasına qayğısını ifadə edib.

Expressbank Bakı və regionlarda 16 filialı ilə fəaliyyət göstərir. Bankın məhsul və xidmətləri ilə www.expressbank.az saytından, 132 Məlumat Mərkəzindən və ya sosial şəbəkələrdəki rəsmi səhifələrindən tanış ola bilərsiniz.“Expressbank” ASC ARMB tərəfindən 30 dekabr 1992-ci il tarixində verilmiş №119 lisenziya əsasında fəaliyyət göstərir. Ünvan: Bakı şəh., Y.V.Çəmənzəminli küç., 134C.

Expressbank Expressbank ağacəkmə aksiyası Təbiətə qayğı – Gələcəyə miras Zəfər naminə Zəfər Günü Vətən müharibəsi sosial məsuliyyət layihəsi ekoloji təşəbbüs yaşıllaşdırma layihəsi Ağdam Sarıcalı kəndi Füzuli Xocavənd azad edilmiş ərazilər ağacəkmə kampaniyası ekoloji tarazlıq Yapon əzgili Xan çinarı Eldar şamı dayanıqlı bankçılıq ətraf mühitin qorunması yaşıl gələcək dayanıqlı inkişaf məqsədləri şəhidlərin xatirəsinə ehtiram sosial məsuliyyət strategiyası YAŞAT xeyriyyə marafonu 50 000 AZN ianə şəhid övladlarının təhsili Expressbank filialları Expressbank xidmətləri

07.11.2025 10:08

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az