Almaniyanın Hidroizolyasiya həlləri təklif edən dünyaca məşhur “KÖSTER Bauchemie AG” şirkəti ölkəmizdə öz fəaliyyətini gücləndirmək qərarına gəlmişdir.

“Marja” xəbər verir ki, şirkət, Avqust ayında Azərbaycan və Gürcüstanda İnşaat, Sənaye və Neft-Qaz sahəsində tədarükçü kimi fəaliyyət göstərən “Universal Pro” MMC ilə rəsmi əməkdaşlıq müqaviləsi imzalamışdır.

Portfeldə ölkəmizdə təklif olunacaq həllər aşağıdakı kimidir;

-ECB və TPO, Sintetik hidroizolyasiya membranları,

-MS Polimer əsaslı duru hidroizolyasiya materialları,

-Kauçuk-Bitum əsaslı duru hidroizolyasiya materialları,

-POLİUREA əsaslı iki komponentli hidroizolyasiya materialları,

-Su/içməli su rezervuarları, hovuzlar, çirkab su kanalları və digər su ilə birbaşa təmasda olan məkanlar üçün hidroizolyasiya materialları,

-Sanitar qovşaqlar, açıq teraslar, yaşıl dam və bənzəri tətbiqlər üçün xüsusi həllər,

-Müxtəlif texniki tələblərə uyğun epoksid əsaslı döşəmə örtükləri,

-Lift şaxtası, zirzəmi və bənzəri məkanlarda aktiv su sızıntılarının durdurulması üçün həll sistemləri,

-Təməl pərdə betonlarda, istinad divarlarında çatların təmiri üçün İnyeksiya sistemləri.

Ölkəmizdə inşaat sektorunun inkişafı, yeni texnologiyaların tətbiq olunması ənənəvi hidroizolyasiya metodlarının “dəbdən” düşməsinə yeni həllərin böyük tələb görməsinə səbəb olmuşdur. Bu səbəblə “Universal Pro” MMC layihələrdə doğru həllərin təklif olunması və işlərin beynəlxalq standartlara uyğun görülməsinə dəstək məqsədi ilə bu sahə üçün xüsusi qrup yaratmışdır. Daim seminarlarda iştirak edən, yenilikləri izləyən mütəxəssislərdən ibarət qrup həm layihələndirmə həm tətbiq etmə işlərində müştərilərə dəstək olacaqdır.

“Universal Pro” MMC-dən bildirilən məlumata əsasən, razılaşmanın əldə olunmasında şirkətin məhsullarının beynəlxalq layihələrdəki müsbət reputasiyası böyük rol oynamışdır.

Bu layihələrə misal kimi Pentagon binası, Amsterdam Hava Limanı, Çin Olimpiya Stadionu, Jumeirah Palma Adaları-Dubay və s. kimi ciddi layihələri göstərmək olar.

Qeyd edək ki, “Universal Pro” MMC 1998-ci ildən başlayaraq İnşaat, Sənaye və Neft-Qaz sahəsində ciddi tədarük portfelinə sahib olmaqla yanaşı, “Bosch”, “Magmaweld”, “Norton”, “Force”, “Beta”, “Klingspor”, “Çağsan”, “Netlift”, “Hempel” kimi qlobal şirkətlərin Azərbaycandakı rəsmi nümayəndəlik fəaliyyətini həyata keçirir.

Şirkət, əsasən B2B (korporativ) formatında xidmət göstərir. Lakin, 2 min kvm sahəsi olan “Showroom” tipli mağazası bütün portfelin həm nümayiş etdirilməsinə, həm də fiziki şəxslərə satış edilməsinə imkan verir.

Ünvan: Ziya Bünyadov 2075, Nərimanov r-nu. (Baku Steel Company ilə üzbəüz)
Tel: +994 51 555 0 555/ 012 447 00 44

http://www.universal-az.com

https://www.facebook.com/universalprollc