Azərbaycan sənayesində inqilab – MDB regionunda qablaşdırmada nano texnologiya dövrü başlayır

Azərbaycan sənayesində inqilab – MDB regionunda qablaşdırmada nano texnologiya dövrü başlayır

“Bakı Polimer İstehsalat” şirkəti qablaşdırmada inqilabi yeniliyə imza atır: Yeni istehsal xəttini qurur, nano-streç filmlərin istehsalına start verəcək.

Azərbaycan sənayesində inqilab – MDB regionunda qablaşdırmada nano texnologiya dövrü başlayır

ETN Yüksək Texnologiyalar Parkının rezidenti “Bakı Polimer İstehsalat” MMC qablaşdırma sənayesində inqilabi yeniliyə imza atır. Şirkət nanotexnologiyalara əsaslanan yeni istehsal xəttinin qurulmasına başlayıb və 2026-cı ilin əvvəlindən MDB regionunda ilk dəfə nano-streç filmlərin istehsalına start verəcək.

Layihə Azərbaycan, Türkiyə və Çin mütəxəssislərinin birgə səyi ilə həyata keçirilir və müasir qablaşdırma texnologiyalarında səmərəliliyi əhəmiyyətli dərəcədə artırmaq məqsədi daşıyır. Yeni nəsil çoxqatlı nano-streç filmlər ənənəvi materiallara nisbətən daha incə (12 mikron) olsa da, daha üstün elastiklik və davamlılığı təmin edəcək.

“Bakı Polimer İstehsalat” MMC-nin sınaqları göstərib ki, yeniliyin əsas üstünlüklərinə deşilmə və yırtılmaya qarşı daha çox müqavimət, daha yüksək ön uzanma dərəcələri (450%-ə qədər), təkmilləşdirilmiş qorunma, azaldılmış plastik tullantılar və xərclərə qənaət daxildir. Nano-streç filmdən istifadə adi streç filmlərlə müqayisədə qablaşdırma xərclərini 60%-ə qədər azaldacaqdır. Bu isə polimer tullantıların və CO2 emissiyasının azalmasına dəstək verəcəkdir.

Şirkətin direktoru Cavid Hüseynov bildirib: “Biz yalnız qabaqcıl texnologiya deyil, həm də müştərilərimiz üçün qənaət, səmərəlilik və ekoloji məsuliyyət təqdim edirik. İstehsal etdiyimiz məhsullar 100% təkrar emala yararlıdır və tullantıların azaldılmasına real töhfə verir. Məqsədimiz Azərbaycanda və regionda davamlı sənaye standartlarına liderlik etməkdir.”

Yeni istehsal xətti sayəsində müəssisə aylıq 500 ton nano-streç film istehsal etməyi planlaşdırır. Bu, yerli bazarla yanaşı, Orta Dəhliz vasitəsilə Şərqi Avropa və qonşu regionlara ixrac imkanlarını da əhəmiyyətli dərəcədə genişləndirəcək.

“Bakı Polimer İstehsalat” MMC yüksək texnologiyalı qablaşdırma məhsullarının istehsalı üzrə fəaliyyət göstərən Azərbaycan şirkətidir. Müasir avadanlıqlar, təkmilləşdirilmiş texnologiyalar və peşəkar komanda sayəsində şirkət yerli və beynəlxalq bazarlarda rəqabətədavamlı, ekoloji və innovativ qablaşdırma həlləri təqdim edir.

Bakı-Polimer-İstehsalat nanotexnologiya yeni istehsal xətti nano-streç film MDB regionu qablaşdırma sənayesi Azərbaycan Türkiyə Çin mütəxəssislər çoxqatlı filmlər 12 mikron elastiklik davamlılıq deşilməyə qarşı müqavimət yırtılmaya qarşı müqavimət ön uzanma 450% qorunma plastik tullantılar xərclərə qənaət CO2 emissiyası təkrar emal ekoloji məsuliyyət davamlı sənaye standartları aylıq 500 ton istehsal ixrac imkanları Orta Dəhliz Şərqi Avropa qonşu regionlar yüksək texnologiyalı qablaşdırma məhsulları innovativ həllər yerli və beynəlxalq bazar peşəkar komanda müasir avadanlıqlar təkmilləşdirilmiş texnologiyalar.

23.10.2025 11:00

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az