Apple şirkətinin səhmlərinin qiyməti 20 oktyabr tarixində tarixi maksimuma çatıb, bu isə yeni iPhone 17-yə olan yüksək tələbi göstərən son məlumatlarla bağlıdır. Şirkət yaxın gələcəkdə 4 trilyon dollardan yüksək bazar dəyərinə malik ikinci şirkət ola bilər. 20 oktyabr ticarətinin nəticələrinə görə, şirkətin bazar kapitallaşması təxminən 3,9 trilyon dollar təşkil edib və o, Nvidia-dan sonra dünyanın ikinci ən qiymətli şirkətidir. Hazırda  bazar dəyəri 4 trilyon dollardan yüksək olan 1 şirkət var (Nvidia). 2-ci yerdə Apple, 3-cü yerdə Microsoft, 4-cü yerdə Alphabet (Google) qərarlaşıb. 

Marja xəbər verir ki, 20 oktyabr ticarətində Apple-ın səhmləri  3,93% bahalaşaraq 262,4 dollara çatıb. Bu, Counterpoint-in araşdırmasının nəticələrindən sonra baş verib; araşdırma göstərib ki, ABŞ və Çin bazarında satışların ilk 10 günündə iPhone 17, iPhone 16-dan 14% daha çox satılıb. 

Səhmlərin qiyməti ticarət zamanı maksimum 4,2% artaraq 262,4 dollardək yüksəlib, nəticədə şirkətin bazar kapitallaşması təxminən 3,9 trilyon dollar təşkil edib və Apple dünyanın ikinci ən dəyərli şirkəti olub. 

Counterpoint-in araşdırmasına görə, 2025-ci ilin sentyabrında təqdim edilən iPhone 17 seriyası ABŞ və Çin bazarında satışların ilk 10 günündə iPhone 16 seriyasından 14% daha çox satılıb. Counterpoint-in baş analitiki edib:

"iPhone 17-nin baza modeli istehlakçılar üçün çox cəlbedicidir və qiymət-keyfiyyət nisbəti mükəmməldir. Bu cihazı almaq çox asandır, xüsusilə endirimlər və kuponlar nəzərə alınanda".

Loop Capital investisiya şirkəti 20 oktyabrda Apple-ın səhmlərinə verdiyi qiymətləndirməni "saxla"dan "al"a yüksəldib, çünki yeni iPhone modelinə olan tələbin gözləniləndən yüksək olduğu müşahidə olunub. Loop Capital-in fikrincə, Apple artıma hazırdır. İnvestisiya bankirləri Apple-ın səhmləri üçün hədəf qiyməti 226 dollarddan 315 dollara qaldırıb. 2027-ci ilə qədər şirkətin səhmlərinin daha da bahalaşması potensialı olduğu qeyd edilir.

Hər gün yeni vakansiyalar - AzVak.az-da

Keçən həftə Apple-ın baş icraçı direktoru Tim Kuk Çində işçilər və hökumət rəsmiləri ilə görüşərək iPhone Air-in təqdimatında iştirak edib. South China Morning Post xəbər verib ki, cihaz satışa çıxdıqdan bir neçə dəqiqə ərzində satılıb. Evercore analitiki Amit Daryanani 19 oktyabr qeyd edib ki, iPhone Air-in Çindəki populyarlığı Apple-ın səhmlərinin bahalaşmasına kömək edə bilər. Evercore analitikləri qeyd ediblər ki, Apple gələn həftə gəlir hesabatında yüksək göstəricilər təqdim etməyə hazırlaşır.

Sentyabrda Apple yenilənmiş iPhone seriyasını, o cümlədən daha nazik iPhone Air-i təqdim edib. ABŞ-da gömrük tariflərinə dair narahatlıqlara baxmayaraq qiymətləri əvvəlki səviyyədə saxlayıb. Avqust ayının əvvəlindən etibarən şirkətin səhmləri az miqdarda artıb, çünki Apple ABŞ-da əlavə 100 milyard dollarlıq investisiya barədə açıqlama verib. Bu addım potensial tariflərdən qaçmağa kömək edə bilər. Apple 30 oktyabrda rüblük gəlir hesabatını açıqlayacaq.