Azərbaycan və Qazaxıstan arasında qolf körpüsü quruldu

Azərbaycan və Qazaxıstan arasında qolf körpüsü quruldu

Azərbaycan və Qazaxıstanın aparıcı qolf klubları Memorandum imzalayıblar

Azərbaycan və Qazaxıstan arasında qolf körpüsü quruldu

9 oktyabr 2025-ci il tarixində Azərbaycan və Qazaxıstanın aparıcı qolf klubları – Dreamland Golf Club (Bakı) və Zhailjau Golf Resort (Almatı) – regionda qolfun inkişafı və turizmin gücləndirilməsi məqsədilə strateji əməkdaşlığa dair Anlaşma Memorandumu imzalayıblar.

Bu əməkdaşlıq qolfun regional inkişafına yeni nəfəs gətirəcək. Memorandum çərçivəsində hər iki klubun üzvləri qarşılıqlı olaraq güzəştli şərtlərlə klub xidmətlərindən, yarışlardan və yaşıl sahələrdən istifadə etmək imkanı qazanacaqlar.

İmzalanan sənəd yalnız turnirlərlə məhdudlaşmır. Klublar golf meydançalarının idarə olunması, rəqəmsal rezervasiya sistemləri, turnir təşkilatçılığı və dayanıqlı inkişaf üzrə bilik və təcrübə mübadiləsini də nəzərdə tutur. Birgə seminarlar, təlimlər və yerli peşəkar kadr hazırlığı bu əməkdaşlığın əsas sütunlarından biri olacaq.

Dreamland Golf Club və Zhailjau Golf Resort əməkdaşlığın əsas prinsipləri kimi qarşılıqlı hörməti, bərabərliyi və şəffaflığı ön plana çıxarır. Bu əməkdaşlıq sayəsində həm Azərbaycan, həm də Qazaxıstan golfçuları daha geniş imkanlar əldə edəcək, region isə qlobal golf xəritəsində güclü mövqeyə sahib olacaq.

Azərsun Holdinqin Müşahidə Şurasının sədri Ahmad Gozal bildirib:

“Bu əməkdaşlıq yalnız iki klub arasında deyil, bütövlükdə Azərbaycan və Qazaxıstan arasında yeni bir körpü rolunu oynayacaq. Biz inanırıq ki, golf turizminin inkişafı regionun beynəlxalq idman xəritəsində daha parlaq mövqeyə yüksəlməsinə səbəb olacaq. Gənclərin bu idmana cəlb olunması və yeni turnirlərin təşkili isə gələcəyin sağlam və peşəkar golfçularını formalaşdıracaq.”

Dreamland Golf Club Zhailjau Golf Resort qolf qolf turizmi strateji əməkdaşlıq Anlaşma Memorandumu golf klubları Bakı Almatı regional əməkdaşlıq turizmin inkişafı idman diplomatiyası qolf turnirləri rəqəmsal rezervasiya idarəetmə təcrübəsi seminarlar təlimlər peşəkar kadr hazırlığı Ahmad Gozal Azərsun Holdinq golf xəritəsi beynəlxalq idman golf turizminin inkişafı gənclərin idmana cəlbi yaşıl sahələr regional idman əməkdaşlığı

10.10.2025 16:57