Qəzzada atəşkəs razılaşması — Tramp Türkiyəyə təşəkkür edib

Qəzzada atəşkəs razılaşması — Tramp Türkiyəyə təşəkkür edib

İsrail və HƏMAS sülh planının birinci mərhələsinə dair razılaşma imzalayıb.

Qəzzada atəşkəs razılaşması — Tramp Türkiyəyə təşəkkür edib

ABŞ Prezidenti Donald Tramp İsrail və HƏMAS arasında Qəzza üçün sülh planının ilk mərhələsinin imzalandığını açıqlayıb.

Marja xəbər verir ki, Tramp bu barədə Truth Social hesabında məlumat verib.

Razılaşmaya əsasən, tərəflər əsirləri qarşılıqlı azad edəcək, İsrail ordusu isə Qəzzanın müəyyən hissəsindən geri çəkiləcək.

Tramp paylaşdığı məlumatda Türkiyə, Qətər və Misirə vasitəçilik səylərinə görə təşəkkür edib.

Tramp bəyanatında bu addımı “güclü və davamlı sülhə doğru atılmış ilk addım” adlandırıb və hadisəni “tarixi və misilsiz” kimi qiymətləndirib.

“El Arabiya”nın məlumatına görə, razılaşma tam atəşkəsi, əsirlərin azad olunmasını və İsrail ordusunun Qəzzanın əvvəlcə 70%-lik hissəsindən geri çəkilməsini nəzərdə tutur. Misir mənbələri isə HƏMAS-ın atəşkəsi qəbul etdiyini, lakin silahların təhvil verilməsi şərtini qəbul etmədiyini bildirib.

Amerika Birləşmiş Ştatlarının Prezidenti:

“İsrail və HƏMAS-ın Sülh Planımızın birinci mərhələsini imzaladıqlarını elan etməkdən böyük qürur duyuram. Bu, bütün girovların çox yaxın zamanda azad ediləcəyi və İsrailin, güclü, davamlı və əbədi sülhə doğru atılan ilk addım olaraq, üzərində razılaşdırılmış xəttə doğru qoşunlarını geri çəkəcəyi deməkdir.

Bütün tərəflərə ədalətli şəkildə yanaşılacaq!

Bu gün ərəb və müsəlman dünyası, İsrail, ətraf ölkələr və Amerika Birləşmiş Ştatları üçün böyük gündür.

Bu tarixi və misilsiz hadisənin baş tutmasında bizimlə birgə çalışan Qətər, Misir və Türkiyədən olan vasitəçilərə təşəkkürümüzü bildiririk".

Qəzza atəşkəs İsrail HƏMAS Donald Tramp ABŞ Türkiyə Qətər Misir vasitəçilik sülh planı əsirlərin azad edilməsi İsrail ordusu geri çəkilmə Truth Social Tramp bəyanatı El Arabiya Misir mənbələri HƏMAS silahları Yaxın Şərq diplomatiya beynəlxalq razılaşma barış planı tarixi hadisə sülh prosesi Qəzza münaqişəsi regional siyasət Yaxın Şərq diplomatiyası

09.10.2025 09:43