Saxo Bank: Bir il ərzində qızılın unsiyasının qiyməti 5 min dollara çata bilər

Saxo Bank: Bir il ərzində qızılın unsiyasının qiyməti 5 min dollara çata bilər

Saxo Bank: Bir il ərzində qızılın unsiyasının qiyməti 5 min dollara çata bilər

Saxo Bank-ın Əmtəə Strategiyası üzrə rəhbəri Ole Hansen, qızılın ilin əvvəlindən bəri 50 faizlik bahalaşması barədə danışarkən, növbəti 12 ayda qızılın unsiyasının qiymətinin 5 min dollara qədər yüksələ biləcəyini deyib.

Marja.az Bloomberg-ə istinadən xəbər verir ki, Hansen qızıl bazarındakı son rekord göstəriciləri “təhlükəsiz liman” imici və artan tələbatın nəticəsi kimi qiymətləndirib. Onun sözlərinə görə, insanların qızıla yönəlməsinin əsas səbəbləri arasında ABŞ Federal Ehtiyat Sisteminin müstəqilliyinə dair narahatlıqlar, faiz endirimi gözləntiləri və qlobal qeyri-sabitlik dayanır.

VTB-də minimal faiz dərəcəsi ilə nağd kredit 9.9%-dən

“Ciddi bir alış dalğası müşahidə edirik. İnsanlar niyə bu qədər yüksək — 50 faizlik — qiymət artımımna səbəb olan həcmdə qızıl alır, buna baxmaq lazımdır. Fed-in müstəqilliyinə inam azalıb, faizlərin enəcəyi gözlənilir, dünya sakit yer deyil. Bütün bunlar investorları qızıla yönəldir”, — Hansen bildirib.

Ekspert bazarda 200–300 dollarlıq qısamüddətli düzəliş (qiymət geriləməsi) gözlədiyini, lakin bunun ümumi yüksəliş tendensiyasını dəyişməyəcəyini qeyd edib.

Hansen hazırda 4150 dollar səviyyəsində müqavimət zonası formalaşa biləcəyini deyib:

“Rallinin əsas hissəsinin artıq bu il baş verdiyini düşünürəm. Lakin ABŞ-da və dünyada siyasi qeyri-sabitlik davam edir, inflyasiya qalıcı xarakter alıb, faizlər aşağı düşəcək. Bu şəraitdə 5 min dollarlıq səviyyə artıq fantastik görünmür.”

Saxo Bank-ın strateqinə görə, investorlar hələ də bazarda mənfəət götürmək üçün gözləmə mövqeyindədir və qızılda baş verənləri yeni bir yüksəliş mərhələsinin başlanğıcı kimi görürlər. Buna görə də onlar satış etməkdə tərəddüd göstərirlər.

Saxo Bank Ole Hansen qızıl qızılın qiyməti qızılın unsu 5 min dollar Bloomberg HT əmtəə bazarı investorlar Fed faiz endirimi inflyasiya siyasi qeyri-sabitlik təhlükəsiz liman qızıl rallisi bazar analizi maliyyə bazarları qlobal iqtisadiyyat ABŞ iqtisadiyyatı Çin investorları

08.10.2025 21:22