İstifadə müddəti bitmiş kartlar sənət əsərlərinə çevriləcək - “Card to Art” layihəsi davam edir

İstifadə müddəti bitmiş kartlar sənət əsərlərinə çevriləcək - “Card to Art” layihəsi davam edir

Yapı Kredi Bank Azərbaycan-ın dəstəyi ilə keçirilən “Card to Art” sosial layihəsi davam edir – istifadə müddəti bitmiş plastik kartlar sənət əsərlərinə çevriləcək.

İstifadə müddəti bitmiş kartlar sənət əsərlərinə çevriləcək - “Card to Art” layihəsi davam edir

(®) Yapı Kredi Bank Azərbaycan-ın dəstəyi ilə həyata keçirilən sosial-ekoloji təşəbbüslər davam etməkdədir. Ətraf mühitin qorunması və dayanıqlı gələcək naminə irəli sürülən “Card to Art” layihəsi plastik tullantıların azaldılması istiqamətində yeni yanaşma təqdim edir.

Layihə “Təmiz Şəhər” ASC-nin təşkilatçılığı, Ekologiya və Təbii Sərvətlər Nazirliyi, DOST İnkluziv İnkişaf və Yaradıcılıq Mərkəzi, Facility Management Group, Global Media Group, “Araz” supermarketlər şəbəkəsi, ECOhub və Azərbaycan Jurnalistlər Şəbəkəsi İctimai Birliyinin dəstəyi ilə həyata keçirilir.

İstifadə müddəti başa çatmış və yararsız plastik kartların təbiətə atılmasının qarşısını almağı, habelə təkrar emalını hədəfləyən layihə çərçivəsində xüsusi toplama qutularının artıq müxtəlif məkanlara yerləşdirilməsinə başlanıb. Toplanan plastik kartlar yaradıcı şəxslərin əllərində yeni həyat qazanacaq və sənət əsərlərinə çevriləcək.

Hazırlanacaq incəsənət nümunələri Heydər Əliyev Fondunun təşəbbüsü ilə “Təmiz Şəhər” ASC tərəfindən yaradılan “Tullantıdan Sənətə” muzeyində təşkil ediləcək “Card to Art” sərgisində ziyarətçilərə təqdim olunacaq.

Yapı Kredi Bank Azərbaycan olaraq biz dayanıqlı inkişaf prinsiplərinə sadiq qalaraq həm müştərilərimizi, həm də ictimaiyyəti ətraf mühitin qorunmasına töhfə verməyə çağırır, istifadə müddəti bitmiş plastik kartların incəsənətə çevrilərək yenidən dəyər qazanmasını dəstəkləyirik.

Yapı_Kredi_Bank_Azərbaycan Card_to_Art sosial_ekoloji_təşəbbüs plastik_tullantılar təkrar_emal Təmiz_Şəhər_ASC Ekologiya_və_Təbii_Sərvətlər_Nazirliyi DOST_İnkluziv_İnkişaf Yaradıcılıq_Mərkəzi Facility_Management_Group Global_Media_Group Araz_supermarketlər ECOhub Azərbaycan_Jurnalistlər_Şəbəkəsi dayanıqlı_gələcək ətraf_mühitin_qorunması sənət_əsərləri Tullantıdan_Sənətə incəsənət_sərgisi kreativ_təkrar_emal ekoloji_təhsil plastik_kartlar

06.10.2025 10:46