Pfizer ABŞ-a 70 milyard dollarlıq sərmayə yatıracaq və dərman qiymətlərini aşağı salacaq

Pfizer ABŞ-a 70 milyard dollarlıq sərmayə yatıracaq və dərman qiymətlərini aşağı salacaq

Pfizer ABŞ-a 70 milyard dollarlıq sərmayə yatıracaq və dərman qiymətlərini aşağı salacaq

Pfizer şirkəti ABŞ Prezidenti Donald Tramp ilə əldə etdiyi razılaşma çərçivəsində bəzi dərmanların qiymətlərini əhəmiyyətli dərəcədə endirməyi və ölkəyə 70 milyard dollar sərmayə yatırmağı qəbul edib.

Marja xəbər verir ki, Prezident Tramp bildirib ki, Pfizer bütün reseptlə satılan dərmanlarını aşağı gəlirli amerikalılara təqdim edilən Medicaid proqramı çərçivəsində təqdim edəcək. Şirkət ən populyar dərmanlarından bəzilərini bütün istehlakçılara 50%-dən yüksək endirimli qiymətlərlə satışa çıxarmağa razılıq verib.

VTB-də minimal faiz dərəcəsi ilə nağd kredit 9.9%-dən

Tramp, Pfizer ilə əldə olunan razılaşmanın ölkə üzrə dərman qiymətlərini əhəmiyyətli dərəcədə aşağı salacağını vurğulayıb və bunu amerikalı vətəndaşlar üçün ciddi iqtisadi fayda olaraq qiymətləndirib.

Razılaşma Ağ Evdə Pfizer-in direktoru Albert Bourla ilə birgə keçirilən mətbuat konfransında açıqlanıb.

Prezident Tramp dərman qiymətlərini endirməyin ilk dövründən etibarən prioriteti olduğunu qeyd edib və ABŞ-da dərmanların digər ölkələrlə müqayisədə çox yüksək olduğunu bildirib. O, böyük dərman istehsalçıları ilə razılaşmalar vasitəsilə qiymətləri endirməyə davam edəcəklərini vurğulayıb.

Tramp, “TrumpRx” adlı yeni dərman satış platformasının yaradılacağını və vətəndaşların dərmanlarını buradan endirimli olaraq sifariş edə biləcəyini açıqlayıb.

Razılaşma ABŞ-da dərmanların əlçatanlığını artırmaq və xəstələr üçün maliyyə yükünü azaltmaq məqsədi daşıyır.

Trump bildirib ki, iyul ayında Pfizer də daxil olmaqla dünyanın ən böyük 17 dərman şirkətinə məktub göndərdikdən sonra, bu şirkətlərlə əlavə razılaşmalar üzərində işləyir. Məktublarda şirkətlərə razılaşmaya əməl etmək üçün 29 sentyabr tarixinə qədər vaxt verilmiş və prezident razılaşmaya əməl etməyən dərman şirkətlərini cəzalandırmaq üçün “mövcud bütün vasitələrdən istifadə edəcəyini” vurğulamışdı.

02.10.2025 11:59