5 sentyabr 2025-ci il tarixində Bakı Fond Birjasının (BFB) Listinq Komitəsinin qərarı ilə "Bank of Baku" ASC-nin istiqrazların ticarətə buraxılması üçün “Ticarətə İcazə” qərarı verilmiş, qeyd olunan qiymətli kağızların abunə yazılışı 08.09.2025-ci il tarixində başlamış və 19.09.2025-ci il tarixində bitmişdi.

Marja xəbər verir ki, AZ2010005364 İSİN kodlu istiqrazların yerləşdirilməsi 23 sentyabr 2025-ci il tarixində həyata keçirilib. 

İllik gəlirliliyi 13% təşkil edən 20 milyon manatlıq istiqrazlara 601 investor 682 sifariş təqdim edib. Sifarişlərin ümumi həcmi (nominal qiymətlə) 23 milyon manat, reallaşdırılmış (yerləşdirilmiş) həcmi 20 milyon manat təşkil edib.

Qeyd olunan qiymətli kağızların ticarət nəticələri “Bakı Fond Birjasında Qiymətli Kağızların Ticarətə Qəbulu, Listinqə Alınması, Listinqdə Saxlanılması və Delistinqi Qaydaları”-nın  3.18  bəndinin tələblərinə cavab verdiyindən, adıgedən istiqrazlar Əsas Bazar Listinq seqmentinə alınır.

Hər gün yeni vakansiyalar - AzVak.az-da

İstiqrazlar üzrə məlumat aşağıdakı kimidir:

Emitentin adı:  "Bank of Baku" ASC

Dövlət qeydiyyat nömrəsi – İSİN:  AZ2010005364

İstiqrazların növü və forması:  Faizli təmin edilməmiş, sənədsiz, adlı istiqraz

Ticarət üsulu/forması:  Kütləvi / Abunə Yazılışı

İstiqrazların sayı:  200 000 (ədəd)

İlkin ticarət qiyməti:  100 manat

İstiqrazların buraxılış həcmi:  20 000 000 manat

İllik gəlirlilik faizi:  13%

Ödəmə Periodu:  İlk istiqrazın yerləşdirildiyi tarixdən etibarən hər 90 (doxsan) gündən bir (bir ayda 30 gün olduğunu qəbul etmək şərti ilə) 

Tədavül müddəti:  18 ay

Minimal qiymət: 100.00 (13.0%) manat

Maksimal qiymət: 100.00 (13.0%) manat

Kəsmə qiymət:  100.00 (13.0%) manat

Ortaçəkili qiymət:  100.00 (13.0%) manat

Reallaşdırılmış həcm: 20 000 000 manat

Sifarişlərin ümumi həcmi (nominal qiymətlə):  23 000 000 manat

İnvestor sayı:  601

Sifariş sayı:  682

Anderrayter:  "ABB-Invest Investisiya Şirkəti" QSC