Qızılın rekordu: 45 ilin ən yüksək səviyyəsi - Bu il 40% gəlir gətirib

Qızılın rekordu: 45 ilin ən yüksək səviyyəsi - Bu il 40% gəlir gətirib

Qızılın rekordu: 45 ilin ən yüksək səviyyəsi - Bu il 40% gəlir gətirib

Qızıl 2025-ci ildə də investorların diqqət mərkəzindədir.

Marja xəbər verir ki, son 45 ilin ən yüksək real səviyyəsini görən qiymətin artmasının arxasında yüksək inflyasiya, ABŞ Federal Ehtiyat Sisteminə (Fed) olan etibar məsələləri, mərkəzi bankların alışları, geosiyasi risklər və yüksək gəlir axtarışı kimi amillər dayanır.

İnflyasiyaya görə düzəldilmiş qiymət ilə qızıl 1980-ci ilin ən yüksək səviyyəsini keçərək yeni rekord qırıb. 1980-ci ildən alış edən investorlar real mənada 45 il sonra, yəni 2025-ci ildə baş-baş nöqtəsinə çatıblar.

Bu ilin ilk doqquz ayında qızıl investorlarına təxminən 40% gəlir gətirib. Bu, 1979-cu ildə qeydə alınan 126,5% illik artımdan sonra ən güclü illik performans hesab olunur. 1970-ci illərdə ABŞ-ın qızıl standartından imtina etməsi (Nixon Shock, 1971) və inflyasiyanın iki rəqəmli səviyyələrə yüksəlməsi dövründə qızıl qiymətləri ciddi artış göstərmişdi. 1973–1974-cü illərdəki sürətli yüksəliş və 1979-cu ildə qeydə alınan 126,5% artım inflyasiyanın təsirini əks etdirirdi.

2008-ci ilin qlobal böhranından sonra başlayan monetar genişlənmə dalğası qızıla yenidən “təhlükəsiz liman” statusunu qazandırdı. 2007–2011-ci illərdə qızıl ardıcıl olaraq ikirəqəmli illik gəlirlər verərək investorların marağını cəlb edib.

Hazırda qlobal birjalarda qızılın unsiyası təxminən 3640 dollara ticarət olunur.

Qeyd: İnflyasiyaya görə düzəldilmiş qiymət (və ya maliyyə dəyəri) inflyasiya şəraitində pulun alıcılıq qabiliyyətindəki dəyişiklikləri əks etdirmək məqsədi ilə bir aktivin və ya öhdəliyin keçmişdəki dəyərinin indiki inflyasiya səviyyələrinə uyğun olaraq yenidən hesablanması ilə əldə olunan qiymətdir. Bu əməliyyat maliyyə hesabatlarının zaman ərzində real mali vəziyyəti əks etdirməsini təmin etmək üçün həyata keçirilir və adətən “düzəliş əmsalı” istifadə edilərək yerinə yetirilir.

İş axtarmaq heç vaxt bu qədər həyəcanlı olmayıb! Hər gün yeni vakansiyalar, maaşı yüksək, etibarlı elanlar - AzVak.az-da. İndi bax, fürsəti qaçırma!

qızıl investisiya rekord inflyasiya federalehyatatsistemi fed mərkəzibank alım geosiyasirisk yüksəkgəlir realqiymət 1980zirvəsi 45il 1979 2008böhran monetargenişlənmə təhlükəsizliman Is this conversation helpful so far?

15.09.2025 12:40