Xalq Bank nizamnamə kapitalını artırdı

Xalq Bank nizamnamə kapitalını artırdı

Ölkənin aparıcı banklarından olan ASC “Xalq” Bankı nizamnamə kapitalını 31 milyon 2 min 762 manat artıraraq 446 milyon 599 min 506 manata çatdırıb.

Marja.az Banka istinadən xəbər verir ki, kapital artımı Bankın nominal səhmlərinin dəyərinin 114.48 manatdan 123.02 manata artırılması hesabına baş tutub.

"Nizamnamə kapitalının artırılması Bankın dayanıqlı inkişafını təmin etmək və risk idarəetmə siyasətinin effektivliyini gücləndirməklə yanaşı, həmçinin, Bankın 2024-2026-cı illər üzrə İnkişaf Strategiyasında nəzərdə tutulmuş hədəflərinə nail olunmasında dəstək olaraq əməliyyat və kreditləşdirmə imkanlarını genişləndirəcək",- Bankın məlumatında bildirilir.

Xatırladaq ki, əsası 2004-cü ildə qoyulmuş və regionun dinamik inkişaf edən və etibarlı maliyyə institutlarından olan Xalq Bank son rübün göstəricilərinə əsasən, hazırda 3.4 milyard manat aktiv, 1.9 milyard manat kredit portfeli və 2.4 milyard manat depozit portfeli ilə ölkənin ən böyük özəl banklarından biridir.

Xalq Bank müxtəlif alternativ satış kanalları ilə yanaşı, ölkə üzrə 30 filialdan ibarət xidmət şəbəkəsi və peşəkar heyəti ilə fərdi və korporativ müştərilərə müasir və rahat bankçılıq xidmətləri təklif edir. Fəaliyyətində müştəri məmnuniyyətini hədəfləmiş Bank müxtəlif rəqəmsal və innovativ biznes həllərini tətbiq edərək məhsul və xidmət çeşidlərini genişləndirməklə yanaşı, daim xidmət səviyyəsini yüksəltmək istiqamətində çalışır.

Xalq Bankın məhsul və xidmətləri barədə məlumatları Bankın filial şəbəkəsindən, https://www.xalqbank.az/ rəsmi internet səhifəsindən, 138 Çağrı mərkəzindən, həmçinin müxtəlif sosial şəbəkə səhifələrindən əldə etmək olar.

Xalq Bank nizamnamə kapitalı kapital artımı səhmlər bank sektoru maliyyə kredit portfeli depozit portfeli İnkişaf Strategiyası risk idarəetməsi maliyyə institutu bank xidmətləri rəqəmsal həllər müştəri məmnuniyyəti filial şəbəkəsi Azərbaycan bank bazarı.

11.09.2025 14:52