Sosial şəbəkələr bloklandı, ölkənin Baş naziri vəzifəsini itirdi

Sosial şəbəkələr bloklandı, ölkənin Baş naziri vəzifəsini itirdi

Sosial şəbəkələr bloklandı, ölkənin Baş naziri vəzifəsini itirdi

Nepalın Baş naziri Şarma Oli ölkədə kütləvi etiraz aksiyaları ilə bağlı istefa verib.

Marja xəbər verir ki, bu barədə onun köməkçisi Prakaş Silval "Reuters" agentliyinə məlumat verib.

Baş nazir daha əvvəl ölkədə davam edən etirazlarla əlaqədar vəziyyətə nəzarətin təmin olunması üçün ordu komandanı general Aşok Radc Sigdeldən kömək istəmişdi. "India Today" telekanalının iddiasına görə, general yalnız Baş nazirin istefasından sonra ordunun vəziyyəti sabitləşdirə biləcəyini bildirərək onun istefaya getməsini tövsiyə edib.

"Reuters" xəbər verir ki, Nepal Prezidenti ölkənin Baş nazirinin istefasını qəbul edib.

8 sentyabrda paytaxt Katmanduda minlərlə insanın iştirakı ilə “Z nəsli inqilabı” adlı aksiya keçirilib. Etirazçılar sosial şəbəkələrin və messencerlərin fəaliyyətinin məhdudlaşdırılması, həmçinin korrupsiyaya qarşı çıxış ediblər. Aksiyalarda əsasən gənclər iştirak edib. India Today-in məlumatına görə, hüquq-mühafizə orqanları silah, su şırnaqları və gözyaşardıcı qazdan istifadə edib. Nəticədə 19 nəfər həlak olub, 500-dən çox şəxs xəsarət alıb. Etirazlar ölkənin digər iri şəhərlərində də davam edib.

Qeyd edək ki, Nepal hökuməti 4 sentyabrda rabitə və informasiya texnologiyaları nazirliyində qeydiyyatdan keçməyən Facebook, Instagram, WhatsApp və digər sosial şəbəkələrin fəaliyyətini məhdudlaşdırmışdı. Lakin 9 sentyabrda bu məhdudiyyətlər ləğv olunub.

XXX

Nepalın Baş naziri ölkədə yaranmış fövqəladə vəziyyət və siyasi böhranın konstitusion yolla həlli məqsədilə istefa verdiyini bəyan edib.

Marja.az xəbər verir ki, "The Himalayan Times" qəzetinin məlumatına görə, Nepalda sosial şəbəkələrin bloklanmasına qarşı keçirilən etirazlar zamanı 500-dən çox insan xəsarət alıb.

Nepalın paytaxtında baş verən iğtişaş iştirakçıları Hilton otelinin binasına daxil olublar,- xarici mətbuat yazır.

09.09.2025 13:38