Cari ildə 320 minə yaxın ASAN İmza sertifikatı verilib

Cari ildə 320 minə yaxın ASAN İmza sertifikatı verilib

Cari ildə 320 minə yaxın ASAN İmza sertifikatı verilib

2025-ci ilin yanvar-avqust ayları ərzində vergi ödəyicilərinə xidmət mərkəzlərində ümumilikdə 387.575 şəxs qəbul edilib, onlara 617.427 sayda xidmət göstərilib ki, bunun da 215,7 mindən çoxu şifahi xidmət (müraciət etmiş şəxslərin vergi qanunvericiliyi və inzibatçılığı ilə əlaqədar suallarının cavablandırılması), 140,8 mindən çoxu elektron xidmət (bəyannamələrin və hesabatların, habelə müxtəlif ərizələrin tərtibatına və elektron formada göndərilməsinə köməklik göstərilməsi) olub.

Marja Dövlət Vergi Xidmərinə istinadən xəbər verir ki, aşağıda qeyd olunan 9 xidmət dövr ərzində göstərilmiş ümumi (şifahi və hazır sənədlərin verilməsi ilə bağlı xidmətlər istisna olmaqla) xidmətlərin 89,4 faizini təşkil edib:

VTB-də yüksək depozit faizləri daha çox qazandırır

• Bəyannamələrin (hesabatların), habelə cari vergi ödəmələrinin hesablanması barədə arayışın vergi orqanlarına təqdim edilməsi;

• Vergi ödəyicisinin fəaliyyətinin dayandırılması (bərpası);

• Sadələşdirilmiş vergi üzrə sabit məbləğin, məcburi dövlət sosial sığorta və icbari tibbi sığorta haqqının ödənilməsi haqqında qəbzin verilməsi;

• Asan İmza sertifikatlarının verilməsi;

• Vergi ödəyicisinin uçot məlumatlarının dəyişdirilməsi;

• Vergi ödəyicisinə arayışların verilməsi;

• Fiziki şəxsin uçota alınması və yenidən uçota alınması;

• Fiziki şəxsin uçotdan çıxarılması;

• Vergi ödəyicisinin təsərrüfat subyektinin (obyektinin) uçota alınması (uçotdan çıxarılması).

Hesabat dövründə vergi ödəyicilərindən daxil olmuş 22,7 mindən çox yazılı müraciət cavablandırılıb, 18,2 milyondan artıq məlumatlandırma xarakterli müxtəlif növ bildiriş (məktub) göndərilib.

Dövr ərzində 2.530 vergi ödəyicisinin iştirakı ilə 257 görüş keçirilib, 3.321 vergi ödəyicisinə ünvanlı xidmət göstərilib.

Vergi ödəyicilərinin preventiv məlumatlandırılması məqsədilə onların mobil nömrələrinə 1 milyon 944 mindən artıq SMS göndərilib.

Dövr ərzində ümumilikdə 210.112 müraciət üzrə 319.995 Asan İmza sertifikatı verilib.

Azərbaycan vergi ödəyiciləri xidmət mərkəzləri 2025-ci il yanvar-avqust şifahi xidmət elektron xidmət bəyannamələr hesabatlar vergi ödənişləri Sadələşdirilmiş vergi məcburi dövlət sosial sığorta icbari tibbi sığorta Asan İmza uçot məlumatları arayışlar fiziki şəxslər təsərrüfat subyektləri yazılı müraciətlər bildirişlər görüşlər ünvanlı xidmət SMS məlumatlandırma sertifikatlar

09.09.2025 11:50