Qızılın qiymətində yeni rekord - DAHA DA BAHALAŞACAĞI BİLDİRİLİR

Qızılın qiymətində yeni rekord - DAHA DA BAHALAŞACAĞI BİLDİRİLİR

Qlobal birjalarda qızılın unsiysının qiyməti 3 min 654 dollara yüksələrək daha bir rekorda imza atdı.

Qızılın qiymətində yeni rekord - DAHA DA BAHALAŞACAĞI BİLDİRİLİR

Qlobal birjalarda qızılın qiyməti çərşənbə axşamı növbəti dəfə rekord qırıb.

Marja.az xəbər verir ki, Dolların ucuzlaşması, istiqraz gəlirlərinin azalması, həmçinin ABŞ Mərkəzi Bankının (FED) bu ay faiz dərəcələrini endirəcəyinə dair artan gözləntilər qızıla tələbi artırıb.

Qızıl 0,4% də bahalaşaraq unsiyası 3 min 654 dollara qalxıb (Bakı vaxtı ilə saat 08:45-ə olan məlumat). ABŞ-da dekabr fyuçersləri isə 0,4% artaraq 3 min 690,90 dollaradək yüksəlib.

Bazar analitiki Tim Waterer bildirib: “Əgər Fed bazar gözləntilərinə uyğun olaraq birdən çox faiz endirimi etsə, çox güman ki, bundan sonra qızılın daha da bahalaşmasını görəcəyik.”

Avropa Mərkəzi Bankının (AMB) cümə axşamı keçiriləcək iclasında faizləri sabit saxlaması gözlənilir.

İnvestorlar Fed-in siyasət xətti ilə bağlı daha çox məlumat almaq üçün çərşənbə günü açıqlanacaq ABŞ istehsalçı qiymətləri indeksini və cümə axşamı dərc ediləcək istehlak qiymətləri indeksini gözləyirlər.

Waterer əlavə edib: “Qısamüddətli potensial katalizator, ABŞ inflyasiya göstəricilərinin bu həftə gözləntilərdən (proqnozlardan) aşağı açıqlanması ola bilər. Bu vəziyyət, Fed-in sentyabr iclasında daha yumşaq mövqe sərgiləməsinə səbəb ola bilər və qızılın qiymətinin 3 min 700 dollara çatmasına səbəb ola bilər.”

Qızılın qiyməti bu ilindiyədək 38% artıb. 2024-cü ildəki 27%-lik bahalaşmadan sonra əldə olunan bu göstərici zəif dollar, mərkəzi bankların güclü qızıl alışları, yumşaq pul siyasətləri və artan qlobal qeyri-müəyyənliklərdən qaynaqlanır.

İş axtarmaq heç vaxt bu qədər həyəcanlı olmayıb! Hər gün yeni vakansiyalar, maaşı yüksək, etibarlı elanlar - AzVak.az-da. İndi bax, fürsəti qaçırma!

Qızıl qiymətləri rekord artım uns qızıl ABŞ Federal Ehtiyat Sistemi faiz endirimi dolların zəifləməsi istiqraz gəlirləri Avropa Mərkəzi Bankı ABŞ inflyasiya göstəriciləri investor gözləntiləri Tim Waterer qlobal qeyri-müəyyənlik mərkəzi bankların alışları yumşaq pul siyasəti fyuçers müqavilələri

09.09.2025 08:45