Mərkəzi Bankın tərəfdaşlığı ilə keçirilmiş 49-cu ICPC dünya finalı başa çatıb

Mərkəzi Bankın tərəfdaşlığı ilə keçirilmiş 49-cu ICPC dünya finalı başa çatıb

Mərkəzi Bankın tərəfdaşlığı ilə keçirilmiş 49-cu ICPC dünya finalı başa çatıb

Mərkəzi Bankın tərəfdaşlığı ilə ölkəmizdə ilk dəfə olaraq keçirilmiş Beynəlxalq Universitetlərarası Proqramlaşdırma Müsabiqəsinin (ICPC) 49-cu dünya finalı başa çatıb. Komandalar 5 saat ərzində real problemlərə ən effektiv həll yollarını təqdim etmək üçün intensiv mübarizə aparıblar.

Sentyabr ayının 4-də Bakı Ekspo Mərkəzində ICPC icmasının, tərəfdaşların və komandaların iştirakı ilə 49-cu dünya finalının rəsmi bağlanış mərasimi keçirilib.

VTB-də minimal faiz dərəcəsi ilə nağd kredit 9.9%-dən

Bağlanış mərasimində çıxış edən Mərkəzi Bankın sədri Taleh Kazımov iştirakçıların əzmkarlığının və birliyinin onları irəli aparan bir xüsusiyyət olduğunu vurğulayıb. Sədr iştirakçıları dünyanın rəqəmsal gələcəyini formalaşdıracaq qlobal liderlər və istedadlar cəmiyyətinin üzvü adlandıraraq onlara fəaliyyətlərində uğurlar arzulayıb.

Bağlanış mərasimində ADA Universitetinin rektoru, professor Hafiz Paşayev, ICPC fondunun baş icraçı direktoru Bill Pouçer, İnnovasiya və Rəqəmsal İnkişaf Agentliyinin sədri Fərid Osmanov və 49-cu ICPC dünya finalının direktoru Fuad Hacıyev çıxış edərək gəncləri bu mühüm təşəbbüsdə uğurlu iştiraklarına görə təbrik ediblər.

Nəticələrin elan olunması və qaliblərin mükafatlandırılması bağlanış mərasiminin ən həyəcanverici anlarından olub. Beləliklə, 70-dən çox ölkənin 140 komanda ilə təmsil olunduğu bu yarışda Sankt-Peterburq Universiteti 11 tapşırığı həll etməklə dünya çempionu titulunu qazanıb. Tokio Universiteti, Pekin Jiatonq Universiteti və Tsinxua Universiteti də yarışın qızıl medalçıları seçilib.

Xatırladaq ki, bu tədbir Mərkəzi Bankın tərəfdaşlığı, ICPC Fondunun təşkilatçılığı, ADA Universitetinin ev sahibliyi, İnnovasiya və Rəqəmsal İnkişaf Agentliyi ilə “ICPC Azərbaycan” icmasının birgə əməkdaşlığı və “PAŞA Holding”in dəstəyi çərçivəsində həyata keçirilib.

MərkəziBank ICPC ICPC2025 Bakı BeynəlxalqUniversitetlərarasıProqramlaşdırmaMüsabiqəsi dünyaFinalı TalehKazımov ADAUniversiteti HafizPaşayev BillPouçer FəridOsmanov FuadHacıyev İnnovasiyavəRəqəmsalİnkişafAgentliyi ICPCAzərbaycan PAŞAHolding BakıEkspoMərkəzi SanktPeterburqUniversiteti TokioUniversiteti PekinJiatonqUniversiteti TsinxuaUniversiteti rəqəmsalgələcək qlobalistedadlar proqramlaşdırma müsabiqəqalibləri dünyaçempionu qızılmedal təhsil gənclər texnologiya rəqəmsalinnovasiya

05.09.2025 15:50