Gəncədə “PAŞA Bank”ın “Bilik səfəri” regional inkişaf layihəsinə qeydiyyat davam edir

Gəncədə “PAŞA Bank”ın “Bilik səfəri” regional inkişaf layihəsinə qeydiyyat davam edir

Gəncədə “PAŞA Bank”ın “Bilik səfəri” regional inkişaf layihəsinə qeydiyyat davam edir

Sosial məsuliyyətli vətəndaş olan “PAŞA Bank” Gəncə şəhərində həyata keçirəcəyi “Bilik səfəri” regional inkişaf layihəsinə iştirakçı qeydiyyatını davam etdirir.

Bankın korporativ sosial məsuliyyət proqramı çərçivəsində reallaşdırılan bu regional inkişaf təşəbbüsü müasir əmək bazarının tələbi olan sahələr üzrə yeni mütəxəssislər yetişdirməyi hədəfləyir. Layihə ilkin olaraq Gəncədə baş tutacaq. Proqrama əsasən, 70 nəfər informasiya texnologiyaları və əlaqə mərkəzi sahələri üzrə təlim proqramına qoşulacaq. Təlimlərdə bakalavr təhsilinin son ilində olan tələbələr və məzunlar, magistr tələbələri, eləcə də artıq püxtələşmiş və 10 ilə qədər iş təcrübəsinə malik şəxslər iştirak edə biləcək.

Layihə çərçivəsində peşəkar təlimçilər tərəfindən xüsusi tədris proqramları və intensiv təlim sessiyaları təşkil ediləcək. Ümumilikdə 3 ay davam edəcək proqram iştirakçıların əmək bazarında tələb olunan bilik və bacarıqlarını inkişaf etdirəcək.

Maraqlanan şəxslər “PAŞA Bank”ın rəsmi platformalarında yerləşdirilən link vasitəsilə qeydiyyatdan keçər bilərlər:

IT sahəsi üzrə: https://pshb.az/45u6Gx0
Əlaqə mərkəzi sahəsi üzrə: https://pshb.az/4fEOUMs

“Bilik səfəri” layihəsi üzrə müraciətlərin qəbulu 7 sentyabr 2025-ci il tarixinədək davam edəcək.

Qeyd edək ki, “PAŞA Bank” fəaliyyətə başladığı ilk gündən ölkədə insan kapitalının inkişafını, peşəkar biliklərin paylaşılmasını və regional potensialın gücləndirilməsini hədəfləyən onlarla uğurlu layihə həyata keçirib. Bank bu istiqamətdə uzunmüddətli strategiyasına sadiq qalaraq gələcəkdə də bir çox gəncin təhsil və karyera imkanlarını genişləndirəcək proqramlar keçirməyi davam etdirəcək.

PAŞABank BilikSəfəri Gəncə regionalinkişaf sosialməsuliyyət korporativsosialməsuliyyət İTtəlimi əlaqəmərkəzi karyerainkişafı insanresursları peşəkarbiliklər əməkbazarısı gənclərininkişafı təhsilproqramı təlimsessiyaları insanqapitali qeydiyyat magistr məzunlar iştəcrübəsi intensivtədris peşəkartəlimçilər banklayihələri stratejiinkişaf gənclərəstək təhsilimkanları karyeraimkanları

05.09.2025 12:08