Tramp Yaponiyadan idxala 15%-lik gömrük rüsumu razılaşmasını imzaladı - YAPONLAR BİR SIRA ŞƏRTLƏR İLƏ RAZILAŞIBLAR

Tramp Yaponiyadan idxala 15%-lik gömrük rüsumu razılaşmasını imzaladı - YAPONLAR BİR SIRA ŞƏRTLƏR İLƏ RAZILAŞIBLAR

Tramp Yaponiyadan idxala 15%-lik gömrük rüsumu razılaşmasını imzaladı - YAPONLAR BİR SIRA ŞƏRTLƏR İLƏ RAZILAŞIBLAR

ABŞ Prezidenti Donald Tramp ABŞ–Yaponiya Ticarət Razılaşmasını rəsmən qüvvəyə mindirən fərmanı imzalayıb.

Razılaşmaya əsasən, ABŞ-a idxal edilən demək olar ki, bütün yapon məhsullarına 15% əsas gömrük rüsumu tətbiq olunacaq.

VTB-də minimal faiz dərəcəsi ilə nağd kredit 9.9%-dən

Marja.az xəbər verir ki, Ağ Evin ictimaiyyətə açıqladığı fərmanda iyul ayında Yaponiya ilə imzalanan çərçivə razılaşmasının xatırladıldığı qeyd olunub. Razılaşma çərçivəsində avtomobillər, avtomobil hissələri, aviasiya məhsulları, generik dərmanlar və təbii resurslar üzrə xüsusi sektor tənzimləmələrinin olacağı bildirilib.

Fərmanda bu addımın ABŞ ilə Yaponiya arasındakı ticarət kəsirini azaltmağa və ABŞ-ın ümumi ticarət mövqeyini daha balanslı etməyə kömək edəcəyi vurğulanıb.

Eyni zamanda, Yaponiyanın ABŞ istehsalı olan sənaye, aviasiya, kənd təsərrüfatı, qida, enerji, avtomobil və sənaye məhsullarına “çığır açan” bazar imkanları yaradacağı qeyd olunub.

Yaponiyanın ABŞ-dan düyü idxalını 75% artıracağı, qarğıdalı, soya, gübrə, bioyanacaq kimi kənd təsərrüfatı və enerji məhsullarını illik 8 milyard dollar həcmində alacağı, ABŞ-da istehsal olunan təhlükəsizlik sertifikatlı avtomobillərin əlavə test olmadan satışına icazə verəcəyi, həmçinin ABŞ-dan kommersiya təyyarələri və müdafiə avadanlıqları alacağı açıqlanıb.

Sənəddə, Yaponiyanın ABŞ-a 550 milyard dollarlıq investisiya qoymağı qəbul etdiyi, hökumət tərəfindən seçiləcək bu investisiyaların ölkədə məşğulluq və istehsal artışı təmin edəcəyi vurğulanıb.

ABŞ hökumətinin Yaponiyanın öhdəlikləri yerinə yetirib-yetirmədiyini izləyəcəyi, əgər yerinə yetirilməsə əlavə tədbirlərin görülə biləcəyi də bildirilib.

Tramp iyul ayında verdiyi açıqlamada Yaponiya ilə ticarət razılaşmasını tamamladıqlarını bildirərək, bunu “bəlkə də indiyə qədər imzalanmış ən böyük razılaşma” kimi dəyərləndirmişdi.

DonaldTramp ABŞYaponiyaTicarətRazılaşması gömrükrüsumu 15faizrüsum avtomobil aviasiyaməhsulları generikdərmanlar təbiiresurslar ticarətkəsiri ABŞixracı Yaponiyainvestisiyası kəndtəsərrüfatı düyüidxalı qarğıdalı soya gübrə bioyanacaq enerji məhsulları müdafiəavadanlıqları kommersiyatəyyarələri bazarimkanları ABŞistehsalı məşğulluqartımı istehsalartımı ticarətmövqeyi əlavə tədbirlər iqtisadiəməkdaşlıq

05.09.2025 12:03