Tanınmış lombard şirkəti 6 milyon manatlıq istiqraz buraxır - ŞƏRTLƏR

Tanınmış lombard şirkəti 6 milyon manatlıq istiqraz buraxır - ŞƏRTLƏR

Tanınmış lombard şirkəti 6 milyon manatlıq istiqraz buraxır - ŞƏRTLƏR

"GL" Açıq Səhmdar Cəmiyyəti ("Sizin Lombard" brendi) 6 milyon manatlıq istiqraz buraxır.

Marja.az xəbər verir ki, faizli, təmin edilməmiş, sənədsiz, adlı istiqrazların hər birinin nominal dəyəri 1000 manat, sayı 6000 ədəddir.

VTB-də yüksək depozit faizləri daha çox qazandırır

İstiqrazların illik gəlirlik dərəcəsi 15 faiz, faiz ödəniş dövrünün müddəti 30 gündən bir, tədavül müddəti 7 ildir.

Emissiyanın anderrayteri "İNVEST-AZ Investisiya Şirkəti" QSC-dir.

Emissiyanın məqsədi cəmiyyətin borc öhdəliklərinin vaxtında və tam şəkildə yerinə yetirilməsini təmin etməklə maliyyə vəziyyətinin möhkəmləndirilməsidir. Bu, cəmiyyətin maliyyə dayanıqlılığını artırmaqla yanaşı, onun fəaliyyətinin səmərəli və davamlı şəkildə həyata keçirilməsinə şərait yaradacaqdır.

Qeyd edək ki, "GL" ASC 2024-cü ili 3 milyon 35 min manat xalis mənfəət ilə başa vurub. 31 dekabr 2024-cü il tarixində Şirkətin cəmi aktivləri 52 milyon 925 min manata, o cümlədən kredit portfeli (müştərilərə verilmiş kreditlər) 46 milyon 272 min manata çatmışdı.

"GL" ASC daşınar əşyaların girov qoyulması müqabilində qısamüddətli lombard kreditlərin verilməsini həyata keçirən və daşınar əşyaları saxlamaya qəbul edən kommersiya hüquqi şəxsdir. Bu fəaliyyət ilə əlaqədar olaraq, cəmiyyət 2022-ci ildə kredit sayı 31 min 95 olaraq 68 milyon 488 min 823 manat, 2023-cü ildə isə kredit sayı 34 min 250 olaraq 77 milyon 461 min 347 manat, 2024-cü ildə isə kredit sayı 39 min 882 olaraq 96 milyon 660 min 513 manat həcmində kredit vermişdir. Bundan əlavə, emitent kimi qiymətli kağızların emissiyasını həyata keçirən kommersiya hüquqi şəxsdir. 2024-cü il ərzində kütləvi təklif üsulu ilə Bakı Fond Birjasından 6 milyon 600 min manat həcmində istiqraz yerləşdirmişdir.

"GL" ASC-nin nizamnamə kapitalının 100%-i Quliyev Fərman Eldar oğluna məxsusdur.

21.08.2025 17:24

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az