“İlin şirkəti” nominasiyasında “Gold Stevie” qazanan ilk Azərbaycan bankı “PAŞA Bank” oldu
Ölkənin aparıcı korporativ maliyyə institutu “PAŞA Bank” 22-ci Beynəlxalq Biznes Mükafatları (“International Business Awards®”) müsabiqəsində “İlin şirkəti” nominasiyasında “Gold Stevie” mükafatına layiq görülüb. Bank, bu dünyaca nüfuzlu mükafatı 2025-ci ildə qazanan ilk Azərbaycan bankı oldu.
Qaliblər bu il may–iyul ayları ərzində “Stevie Awards” təşkilatı tərəfindən keçirilən müsabiqənin münsifləri kimi çıxış edən dünya üzrə 250-dən çox beynəlxalq miqyaslı ekspertin və iri şirkət rəhbərinin ortaq qiymətləndirməsinə əsaslanaraq müəyyən edilib. Strateji inkişaf yanaşması, beynəlxalq standartlara uyğun idarəetmə prinsipləri, rəqəmsal transformasiya istiqamətində atdığı addımlar, müştəri məmnuniyyətini yüksəltməyə yönəlmiş tədbirlər və sosial məsuliyyət layihələrinə verdiyi mühüm töhfələr “PAŞA Bankı" bu nominasiyada fərqləndirən əsas amillər olub.
“PAŞA Bank”ın İdarə Heyətinin sədri və baş icraçı direktoru Cavid Quliyevin sözlərinə görə, bu mükafat Bankın illər ərzində həyata keçirdiyi məqsədyönlü strategiyanın beynəlxalq arenada təsdiqi kimi dəyərləndirilir.
“Qeyd etməliyəm ki, bu dəfə Azərbaycanı təmsil edən şirkətlər arasında bu mükafata layiq görülən ilk bank məhz “PAŞA Bank” oldu. Bu uğur, ölkə və regionda lider mövqeyimizi möhkəmləndirməklə yanaşı, sahibkarların inkişafına dəstək göstərmək, kredit portfelimizin keyfiyyətini artırmaq və Azərbaycan biznesinin beynəlxalq arenada tanınmasına töhfə vermək istiqamətində apardığımız ardıcıl işlərin nəticəsidir,” – deyə Cavid Quliyev bildirib.
Son illərdə mühüm nailiyyətlər qazanan “PAŞA Bank” müştəriyönümlü yanaşması və rəqəmsal həllərə əsaslanan inkişaf strategiyası ilə fərqlənir. 2025-ci ilin “CustomerFirst” ili elan olunması da bu istiqamətin strateji şəkildə davam etdirildiyini göstərir. Bankın rəqəmsal imkanları üzərində qurulan çevik və etibarlı maliyyə həlləri qeyri-neft sektorunun inkişafına mühüm dəstək verir.
30 iyun 2025-ci il tarixinə Bankın ümumi kredit portfelinin 85%-i məhz qeyri-neft sektoruna yönəldilməklə 3,28 milyard AZN, cəmi kapitalı 954 milyon AZN, cəmi aktivləri isə 8,97 milyard AZN təşkil edib.
Beynəlxalq Biznes Mükafatları və qaliblərin tam siyahısı haqqında daha ətraflı məlumatı www.StevieAwards.com/IBA saytından əldə etmək mümkündür.
2002-ci ildə ABŞ-da yaradılmış “Stevie Awards” təşkilatı tərəfindən keçirilən Beynəlxalq Biznes Mükafatları dünyanın biznes sahəsində ən nüfuzlu qlobal mükafat proqramı hesab olunur. Hər il dövlət və özəl sektor, kommersiya və qeyri-kommersiya təşkilatları, kiçik və böyük şirkətlər daxil olmaqla bütün dünyadan iştirakçılar bu mükafat uğrunda mübarizə aparır. Bu il müsabiqəyə ümumilikdə 3,800-dən çox müraciət daxil olub.
Qeyd edək ki, mükafatlar 10 oktyabr 2025-ci il tarixində Portuqaliyanın Lissabon şəhərində keçiriləcək təntənəli mərasimdə təqdim olunacaq.
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
- 26 d. əvvəl
-
35 d. əvvəl
“AzInTelecom” SİMA həllərini Portuqaliyada keçirilən “Web Summit”də təqdim edib ®
-
45 d. əvvəl
AccessBank QSC WEB Application Firewall üzrə tender elan edir ®
- 49 d. əvvəl
- 1 saat əvvəl
- 1 saat əvvəl
-
1 saat əvvəl
Hotellərin Yeni il proqramları və qiymətləri - 810 manatdan...
-
2 saat əvvəl
Ədliyyə işçilərinə özəl fürsət – AFB Bank-dan daha sərfəli kredit şərtləri ®
-
2 saat əvvəl
Azərbaycan Prezidentinin Vyetnamın Baş naziri ilə görüşü olub
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
“Trendyol”da “Əfsanə günlər ” başlayır ®
AccessBank QSC WEB Application Firewall üzrə tender elan edir ®
ABB DAVR-ın Müşahidə Şurasının sədri Taleh Tahirli oldu
ABB DAVR-a lisenziya verildi
Ən çox oxunanlar
Hotellərin Yeni il proqramları və qiymətləri - 810 manatdan...
Azərbaycan Prezidentinin Vyetnamın Baş naziri ilə görüşü olub
Əmək və Əhalinin Sosial Müdafiəsi Nazirliyi “Araz” supermarketlər şəbəkəsini mükafatlandırıb
Süd vəzi xərçəngindən sığortalanmaq mümkündür ®





















