Dövlət Agentliyi qiymətli kağızlara investisiyalarını kəskin azaldıb, banklara depozit yerləşdirib

Dövlət Agentliyi qiymətli kağızlara investisiyalarını kəskin azaldıb, banklara depozit yerləşdirib

Dövlət Agentliyi qiymətli kağızlara investisiyalarını kəskin azaldıb, banklara depozit yerləşdirib

Azərbaycan vətəndaşlarının, xüsusilə az və orta təminatlı vətəndaşların, gənc ailələrin mənzil probleminin həll edilməsi məqsədi çərçivəsində yaradılmış Azərbaycan Respublikasının Mənzil İnşaatı Dövlət Agentliyi borc qiymətli kağızlara investisiyalarını azaldıb, bank depozitlərini artırıb.

Marja.az xəbər verir ki, 31 dekabr 2024-cü il tarixində Mənzil İnşaatı Dövlət Agentliyinin qiymətli kağızlara investisiyaları 96 milyon 625 min manat təşkil edib ki, bu da 2023-cü ilin sonu ilə müqayisədə 2,1 dəfə azdır. Mənzil İnşaatı Dövlət Agentliyinin qiymətli kağızlara investisiyaları 2023-cü ilin sonunda 205 milyon 282 min manat təşkil etmişdi.

VTB-də minimal faiz dərəcəsi ilə nağd kredit 10.49%-dən

31 dekabr 2024-cü il tarixində Mənzil İnşaatı Dövlət Agentliyi tərəfindən banklarda yerləşdirilmiş depozitlərin cəmi məbləği 105 milyon 463 min manat təşkil edib. 2023-cü ilin sonunda Mənzil İnşaatı Dövlət Agentliyinin banklarda depoziti olmamışdı.

Xatırladaq ki, MİDA ölkə prezidentinin 11 aprel 2016-cı il tarixli fərmanı ilə yaradılıb. Onun nizamnamə kapitalı 100 milyon manatdır. Agentliyin əsas məqsədi ölkə vətəndaşlarının yaşayış sahələrinə olan ehtiyacını ödəmək, onların mənzil-məişət şəraitini yaxşılaşdırmaq, müasir memarlıq üslubunda ekoloji və enerji səmərəliliyi tələblərinə cavab verən çoxmənzilli binaların tikilməsini təmin etmək, habelə bununla bağlı şəhərsalma və tikinti sahələrində dövlət idarəetməsini təkmilləşdirməkdir. Bununla yanaşı, ölkədə çoxmənzilli yaşayış binalarının tikintisinə rəvac vermək, vətəndaşların güzəştlə mənzillər əldə etmələrinə şərait yaratmaq, çoxmənzilli yaşayış binalarının tikintisi üçün ayrılan maliyyə vəsaitlərindən səmərəli istifadə edilməsini təşkil və təmin etmək məqsədilə qurumun tabeliyində “MİDA” MMC yaradılıb.