“TBC Kredit BOKT”ın lisenziyası könüllü əsasla ləğv edilib
Gürcüstanın “TBC Bank Qrup"u Azərbaycan bazarını tərk edir.Azərbaycan Respublikası Mərkəzi Bankının (AMB) sədrinin birinci müavini Əliyar Məmmədyarov 15 iyul 2025-ci il tarixində Gürcüstanın “TBC Bank Qrup”unun nümayəndəsi, Özbəkistan “TBC Bank”ının İdarə Heyətinin sədri və Azərbaycanda fəaliyyət göstərən “TBC Kredit bank olmayan kredit təşkilatı” MMC-nin (“TBC Kredit BOKT”) Müşahidə Şurasının üzvü Spartak Tetraşvilini qəbul edib.
Mərkəzi Bankın yaydığı məlumatda bildirilir ki, görüşdə Azərbaycanın və regionun maliyyə sistemi üzrə tendensiyaları ətrafında müzakirələr keçirilib, maliyyə sektorunun inkişafı istiqamətində yeni strateji çağırışlar və hədəflər barədə fikir mübadiləsi aparılıb.
S.Tetraşvili AMB tərəfindən bank olmayan kredit təşkilatlarının fəaliyyətinin tənzimlənməsi və onların inkişafı məsələlərinə toxunaraq, bu sahəyə indiyə qədər göstərilmiş dəstəyə görə təşəkkürünü bildirib. O, həmçinin “TBC Bank Qrup”u tərəfindən strategiyasında edilmiş dəyişikliyə müvafiq olaraq, “TBC Kredit BOKT"nin fəaliyyətinin dayandırılması və bu məqsədlə AMB-nin həmin təşkilatın lisenziyasının könüllü ləğvi üçün müraciət edildiyini qeyd edib.
Yekunda, “TBC Bank Qrup”unun gələcəkdə Azərbaycan maliyyə sektoruna qayıdışı perspektivləri müzakirə edilib və Qrupun növbəti fəaliyyətinə uğurlar arzulanıb.
Əlavə olaraq qeyd edək ki, “Bank olmayan kredit təşkilatları haqqında” Azərbaycan Respublikasının Qanununun 25.1.1-ci maddəsinə əsasən “TBC Kredit BOKT” MMC tərəfindən təqdim edilmiş ərizədən irəli gələrək AMB-nin İdarə Heyətinin 17.07.2025-ci il tarixli Qərarı ilə ona verilmiş 29.02.2000-ci il tarixli, 111-KB nömrəli müvafiq lisenziya könüllü əsasla ləğv edilib. Təşkilatın hesabatlarına əsasən, müvafiq tarixə fiziki şəxslər qarşısında öhdəlikləri mövcud deyil.
“Bank olmayan kredit təşkilatları haqqında” Azərbaycan Respublikasının Qanununun 25.4-cü maddəsinə əsasən, bank olmayan kredit təşkilatı lisenziyasının ləğv edilməsi haqqında qərarın qüvvəyə mindiyi gündən fəaliyyətini dayandırır və Azərbaycan Respublikasının Mülki Məcəlləsində müəyyən olunmuş qaydada ləğv edilir.
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
- 6 gün sonra
-
4 d. əvvəl
Azərbaycanla Vyetnam arasında birbaşa aviareyslərin açılması müzakirə olunub
-
7 d. əvvəl
Noyabrın 21-də gözlənilən hava şəraiti - 21 dərəcə isti gözlənilir
-
12 d. əvvəl
Bakı Fond Birjasında qayda pozuntusu aşkarlanıb – Listinq Komitəsinin sədri cərimələnib
- 13 d. əvvəl
-
47 d. əvvəl
Milli Məclisin növbəti iclası noyabrın 24-də keçiriləcək, 10 məsələ müzakirə olunacaq
- 49 d. əvvəl
-
1 saat əvvəl
“AzInTelecom” SİMA həllərini Portuqaliyada keçirilən “Web Summit”də təqdim edib ®
-
1 saat əvvəl
AccessBank QSC WEB Application Firewall üzrə tender elan edir ®
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
“Trendyol”da “Əfsanə günlər ” başlayır ®
Noyabrın 21-də gözlənilən hava şəraiti - 21 dərəcə isti gözlənilir
Tezliklə Vyetnamın Azərbaycanda səfirliyi açılacaq
Milli Məclisin növbəti iclası noyabrın 24-də keçiriləcək, 10 məsələ müzakirə olunacaq
Ən çox oxunanlar
"Rəqəmsal Maliyyə Mərkəzi"nə direktor təyin edilib
AccessBank QSC WEB Application Firewall üzrə tender elan edir ®
AKİA sədri Yalçın Camalov: Dövlət Proqramı üzrə cari ildə nəzərdə tutulan subsidiyaların ödənilməsinə başlanıb
ABB DAVR-ın Müşahidə Şurasının sədri Taleh Tahirli oldu
ABB DAVR-a lisenziya verildi
Hotellərin Yeni il proqramları və qiymətləri - 810 manatdan...


















