Ən yuxarı statik reklam-3_3
Ən yuxarı (mobil)_30
Mobil manşet üstü reklam-3_21

SOCAR-ın əsas əməliyyat gəlirləri və ümumi mənfəəti azalıb

90 milyard manat gəlirdən 2,9 milyard manat xalis mənfəət qalıb. 90 milyard 111 milyon manat qazanıb, 87 milyard 184 milyon manatını xərcləyib.
iç səhifə xəbər başlığı altı (mobil)_31
SOCAR-ın əsas əməliyyat gəlirləri və ümumi mənfəəti azalıb
iç səhifə xəbər şəkil altı-2 (mobil)_32

Azərbaycan Respublikasının Dövlət Neft Şirkəti (SOCAR) 2024-cü ili 2 milyard 927 milyon manat xalis mənfəət ilə başa vurub. Şirkət 2023-cü ili 2 milyard 73 milyon manat xalis mənfəət ilə bağlamışdı. Beləliklə, SOCAR-ın xalis mənfəəti 2024-cü ildə 2023-cü illə müqayisədə 854 milyon manat və ya 41,2% artıb. Xalis mənfəətin artması əsas əməliyyat gəlirlərinin artması ilə deyil, əsasən 1 milyard 970 milyon manat sair əməliyyat gəliri ilə əlaqədardır. 

Marja.az SOCAR-ın maliyyə hesabatına istinadən xəbər verir ki, Şirkətin əsas əməliyyat gəlirləri 2023-cü ildə 85 milyard 201 milyon manat ikən, 2024-cü ildə 84 milyard 689 milyon manata düşüb (512 milyon manat azalıb). Satışın maya dəyəri isə 657 milyon manat artaraq 77 milyon 296 milyon manata yüksəlib. Gəlirlərin azalması, satışın maya dəyərinin isə artması ilə əlaqədar olaraq ötən il SOCAR-ın ümumi mənfəəti 1 milyard 169 milyon manat və ya 13,6% azalaraq 7 milyard 393 milyon manata düşüb. 

Ötən il SOCAR-ın cəmi əməliyyat gəlirləri 90 milyard 111 milyon manat, cəmi əməliyyat xərcləri 86 milyard 272 milyon manat, əməliyyat mənfəəti 3 milyard 839 milyon manat təşkil edib. Azərbaycanın ən iri şirkəti əməliyyat mənfəətindən 912 milyon manat mənfəət vergisi ödəyib. 

31 dekabr 2024-cü il tarixində SOCAR 94 milyard 701 milyon manat cəmi aktivlərə malik olub. Şirkət 2023-cü ilin sonunda 71 milyard 966 milyon manat cəmi aktivlərə malik idi. 

08.07.2025 14:15
📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az

Müştərilərin xəbərləri

Mobil Manşet alt reklam-2_22
Mobil əsas səhifə 4-cü2_27
Mobil əsas səhifə 5-ci-2_28
Mobil əsas səhifə 6-ci-2_29
Desktop_Manset_sag_5
Esas-sehifede-reklam-3_8
Xəbər mətn sağ 2-ci2_16
Xəbər mətn sağ 3-cü-2_17
Xəbər mətn sağ -18_18
InvestAZ