PAŞA Holding-in tələbələr üçün təşkil etdiyi “Əlaçı” təqaüd proqramının bağlanış tədbiri baş tutub

PAŞA Holding-in tələbələr üçün təşkil etdiyi “Əlaçı” təqaüd proqramının bağlanış tədbiri baş tutub

18 iyun 2025-ci il tarixində 2024-2025-ci tədris ilini əhatə edən və PAŞA Holding tərəfindən artıq üçüncü dəfə təşkil olunan “Əlaçı” proqramının bağlanış tədbiri keçirilib.

“Əlaçı” proqramı 3-cü və 4-cü kurs bakalavr tələbələrini əhatə edən və tələbələrin aylıq təqaüdlə təltif edilməsini nəzərdə tutan bir illik təqaüd proqramıdır.

2024-2025-ci tədris ili üzrə həyata keçirilən “Əlaçı” proqramı çərçivəsində tələbələr üçün onların peşəkar və fərdi inkişafına yönəlmiş tədbir və təlimlər təşkil olunub. Bu il proqrama müraciət edən tələbələrin ümumi sayı 2415-dən çox, proqrama seçilən tələbələrin sayı isə 110 nəfər təşkil etmişdir.

Layihə müddətində 3 aylıq şəxsi inkişaf marafonu, təlimlər, fərdi mentor dəstəyi, karyera simulyasiyası, şəbəkələşmə görüşləri və PAŞA Holding, eləcə də PAŞA Sığorta şirkətlərindən olan mütəxəssislərlə görüşlər də təşkil olunub. Bu tədbirlər tələbələrin həm yumşaq bacarıqlarının inkişafı, həm də karyera inkişafını əhatə edib.

Bundan əlavə, cari proqram müddətində “Əlaçı”lar üçün Sığortaçı məktəbi də təşkil edilib ki, bu məktəbə 20 tələbə seçilərək sığorta ilə bağlı təlimlərdə iştirak ediblər.

Bağlanış tədbiri zamanı rəsmi çıxışlar, təqdimatlar və sertifikatların təqdim olunması həyata keçirilib.

Qeyd edək ki, 2022-ci ildə gənc nəslin peşəkar inkişafına önəm verən və bu istiqamətdə müxtəlif layihələr həyata keçirən PAŞA Holding “Əlaçı” təqaüd proqramını tədqim edib. Təhsil mövzusu PAŞA Holding-in KSM strategiyasında mühüm yer tutur ki, bu istiqamətə “Əlaçı” proqramından əlavə, Təhsilə Doğru, Birincilər, Gələcəyini Qur və digər layihələr daxildir.

24.06.2025 10:58

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az