Azərbaycanın ilk yerli motosiklet brendi “Tufan” artıq Xankəndində istehsal olunur – FOTO

Azərbaycanın ilk yerli motosiklet brendi “Tufan” artıq Xankəndində istehsal olunur – FOTO

Şirkətinin baş direktoru İlkin Ağamirov : “Xankəndidə fəaliyyət göstərmək bizim üçün böyük qürurdur".

Azərbaycanın ilk yerli motosiklet brendi “Tufan” artıq Xankəndində istehsal olunur – FOTO

Azərbaycanın ilk yerli motosiklet brendi olan “Tufan” 2025-ci ilin əvvəlindən Xankəndidə fəaliyyətə başlayan yeni istehsal sahəsinin açılışını elan edib.

“Tufan Motors” şirkətinin baş direktoru və həmtəsisçisi İlkin Ağamirov bildirib ki, azad edilmiş Xankəndi şəhərində yerli motosiklet istehsalı müəssisəsinin fəaliyyətə başlaması şirkət üçün həm şərəfli, həm də qürurverici hadisədir.

VTB-də minimal faiz dərəcəsi ilə nağd kredit 10.49%-dən

Onun sözlərinə görə, son beş ay ərzində “Tufan Motors”un Xankəndidəki müəssisəsində artıq 650 ədəd motosiklet istehsal edilib.

“Hazırda burada 20-dən artıq yerli mütəxəssis çalışır. Şirkətin “İstiqlal”, “Yalquzaq”, “Pəhləvan”, “S250”,”S150” ,“M50” ,”M50N”və “Cub50” kimi tanınmış modelləri mövcuddur. Xankəndidə bu modellərdən üçü istehsal olunur. Lakin ilin sonunadək ikinci istehsalat xəttinin işə salınması ilə bütün modellərin burada yığılması planlaşdırılır və bu da işçi sayının əhəmiyyətli dərəcədə artmasına səbəb olacaq”,- Şirkətin direktoru deyib.

İlkin Ağamirov qeyd edib ki, bu istehsalat mərkəzi yalnız texniki baxımdan deyil, həm də strateji və simvolik əhəmiyyət daşıyır:
“Yerli istehsalçı olaraq Xankəndidə fəaliyyət göstərmək bizim üçün böyük qürurdur. Eyni zamanda bu bizə böyük məsuliyyət yükləyir. Bu təşəbbüs həm milli sənayemizin inkişafını, həm də azad olunmuş torpaqlarda real iqtisadi canlanmanı əks etdirir. Biz bunu, başda Ali Baş Komandanımız olmaqla, şanlı ordumuza borcluyuq və azad edilmiş ərazilərin dirçəlişinə töhfə vermək üçün əlimizdən gələni edirik”.

Qeyd edək ki, bu il “Tufan” brendinin fəaliyyətə başlamasının 5 ili tamam olur. Şirkət yaxın gələcəkdə həm məhsul çeşidini genişləndirməyi, həm də istehsalatda çalışan işçi sayını artırmağı planlaşdırır.

Hazırda daxili bazar üçün motosiklet istehsal edən “Tufan Motors”, yaxın zamanda ixraca da başlamağı qarşısına məqsəd qoyub.

Ünvan: Motoplaza, Bakı, Babək prospekti 25 Telefonlar: 50 250 81 80 / 55 251 22 00 / 55 251 21 12

motosiklet tufan xankəndi tufanmotors İlkin Ağamirov İstiqlal Yalquzaq Pəhləvan motoplaza

24.06.2025 07:04

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az