Unicapital yüksəlişdə: xalis mənfəət 55% artıb

Unicapital yüksəlişdə: xalis mənfəət 55% artıb

Unicapital yüksəlişdə: xalis mənfəət 55% artıb

Azərbaycanın aparıcı investisiya şirkətlərindən biri olan Unicapital 2024-cü ili mühüm maliyyə nailiyyətləri ilə başa vurub. Şirkət ötən illə müqayisədə illik gəlirini 38% artıraraq 4 milyon 470 min manata çatdırıb.

Şirkətin yaydığı press-relizdə bildirilir ki, bu artım 1 milyon 242 min manatlıq əlavə gəlir deməkdir ki, bu da Unicapital-ın bazarda mövqeyini daha da gücləndirdiyini göstərir.

Sadəcə gəlir deyil, xalis mənfəət göstəricisi də bu inkişafı əks etdirir. 2024-cü ilin yekunlarına əsasən, Unicapital-ın xalis mənfəəti 55% artaraq 346 min manat təşkil edib.

Şirkətin maliyyə uğurları 2024-cü ildə atdığı yenilikçi addımlarla birbaşa əlaqəlidir. Belə ki:

• UForex platformasında Onlayn Hesab Açılışı funksiyası istifadəyə verildi. Bu, treyderlərin zaman və məkan məhdudiyyəti olmadan hesablarını cəmi bir neçə dəqiqəyə aktivləşdirməyə şərait yaratdı. Həmçinin hər bir investor üçün Şəxsi Kabinet-dən istifadə imkanı yaradıldı. İndi istifadəçilər bütün əməliyyatlarını və hesablarını bir mərkəzdən idarə edə bilirlər.

• İnvestisiyanı daha rahat və əlçatan etmək üçün UTrader platforması Bakı Fond Birjası ilə inteqrasiya edildi. Bu addım nəticəsində BFB-də ticarəti aparılan yerli şirkətlərin səhmlərini UTrader platforması vasitəsilə əldə etmək mümkün oldu.

• Unicapital ölkədə bir ilkə imza ataraq beynəlxalq yaşıl maliyyə standartlarına uyğun istiqraz buraxılışına başladı. Bu addım şirkətin həm dayanıqlı investisiya prinsiplərinə, həm də ekoloji məsuliyyətə verdiyi önəmin göstəricisidir.

Hazırkı nəticələr uzunmüddətli planların yalnız başlanğıcıdır. Növbəti mərhələlər üçün nəzərdə tutulan strateji təşəbbüslər artıq formalaşdırılıb. Real sektorun maliyyə resurslarına çıxışını genişləndirmək və yerli korporativ qiymətli kağızlar bazarını daha da inkişaf etdirmək əsas istiqamətlər kimi ön plana çıxır. Eyni zamanda, "ESG" prinsiplərinə uyğun strategiyaların tətbiqi və inklüziv maliyyə həllərinin genişləndirilməsi də qarşıya qoyulan mühüm hədəflər sırasındadır.

18.06.2025 12:24

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az