Ölkənin aparıcı korporativ maliyyə institutu “PAŞA Bank” tərəfindən keçirilən növbəti "PASHA Bank Cup" müsabiqəsi başa çatıb.

Tələbələrin, şagirdlərin və mütəxəssislərin bilik və bacarıqlarını inkişaf etdirməyə yönəlmiş təşəbbüslərin davamı olaraq, "PASHA Bank Cup VII" yarışının məqsədi İT sahəsində təhsil alan və çalışan bacarıqlı kadrları üzə çıxarmaq, eləcə də sözügedən sahənin inkişafına töhfə verməkdir.  24 may 2025-ci il tarixində Azərbaycan Texniki Universitetində keçirilən final mərhələsində iştirakçılar müxtəlif mövzularda biliklərini sınayaraq, yeni fundamental biliklər qazanmaq və bacarıqlarını inkişaf etdirmək imkanı əldə ediblər. 

“PAŞA Bank”ın idarə heyətinin üzvü Calal Orucov, tədbirdə çıxış edərək, ölkədə İT sahəsində təhsil almış və bu sahədə fəaliyyət göstərən bacarıqlı kadrların aşkar edilməsi üçün görülən işlərdən və müsabiqənin bu sahəyə verdiyi dəstəkdən danışıb.

“'PAŞA Bank' olaraq, informasiya texnologiyaları, informasiya təhlükəsizliyi, kiber təhlükəsizlik və rəqəmsal mühəndislik sahələrində təşəbbüslərin həyata keçirilmsinə davam edəcəyik. Təhsil müəssisələri ilə sıx əməkdaşlıq edərək, gənclər arasında bu sahəyə olan marağı artırmağı hədəfləyirik,”- deyə, Orucov vurğulayıb.

Qeyd edək ki, finala vəsiqə qazanmış 60 iştirakçıdan kateqoriyalar üzrə ümumilikdə 12 qalib seçilib.

Məktəblilər

1. Ayxan Dəmirli
2. Həsən Vəliyev
3. Əli Əliyev

Tələbələr

1.Sahib Əliyev
2. Emil İnockin
3. Nicat Əsgərli

Peşəkarlar

1. Rahim Məmmədli
2. Kənan Əsgərli
3. Əli Qurbanov

Qaliblərə və final mərhələsində yüksək nəticə göstərən iştirakçılara Bank tərəfindən MacBook Pro M3, iPad Pro 11 M4, Apple watch və digər dəyərli hədiyyələr təqdim olunub.

Xatırladaq ki, “PAŞA Bank” ölkədə İT sahəsinin inkişafına mühüm töhfə vermək məqsədilə müxtəlif təşəbbüslər həyata keçirir. Bu çərçivədə “PAŞA Bank” tərəfindən təşkil olunan “PASHA Bank Cup”, “Hackathon”lar və digər layihələr, gənc proqramçılar və İT mütəxəssisləri üçün yeni ideyaların ortaya çıxmasına, innovativ həllərin hazırlanmasına və ölkədə texnologiya ekosisteminin inkişafına böyük dəstək olur.