İsveçrədə yerləşən Roche əczaçılıq şirkəti qarşıdakı 5 il ərzində ABŞ-da əczaçılıq və diaqnostika sahəsinə 50 milyard dollar sərmayə yatıracağını açıqlayıb. 

Marja-nın məlumatına görə, Roche-nin yaydığı açıqlamada qeyd olunub ki, investisiya şirkətin ABŞ-da əczaçılıq və diaqnostika sahələrində gücləndirəcək. İnvestisiya ilə 12 000-dən çox yeni iş yerinin yaradılması gözlənilir.

Açıqlamada , hazırda ABŞ-ın 8 ştatında 24 müəssisədə 25 mindən çox işçinin çalışacağı vurğulanıb.

Açıqlamada sərmayənin ölkədə innovativ dərman və diaqnostika portfeli üçün istehsal və paylama potensialının inkişaf etdirilməsi, yeni istehsal müəssisələrinin və tədqiqat mərkəzinin yaradılması kimi məsələləri əhatə etdiyi bildirilir.

Açıqlamada, bütün yeni və genişləndirilmiş istehsal imkanları işə düşdükdən sonra Roche-un ABŞ-da idxal etdiyi dərmanlardan daha çox dərman ixrac edəcəyi qeyd edilib və şirkətin diaqnostika bölməsinin hazırda ABŞ-da xarici ticarət profisiti olduğu qeyd edilib.

Açıqlamada şərhləri yer alan Roche Qrupunun İcraçı direktoru Thomas Schinecker, şirkətin dünyanın 130-dan çox ölkəsində güclü irsə sahib bir İsveçrə şirkəti olduğuna diqqət çəkərək, "Bu gün açıqlanan sərmayə ABŞ-da araşdırma, inkişaf və istehsala olan uzunmüddətli öhdəliyimizi vurğulayır" deyib. 

Schinecker qeyd edib ki, növbəti beş il ərzində 50 milyard dollarlıq investisiya şirkətin ABŞ-da və bütün dünyada xəstələrə fayda verəcək növbəti innovasiya və inkişaf dövrünün əsasını qoyur.

Alüminium, polad və avtomobil kimi məhsullaratariflər açıqlayan ABŞ prezidenti Donald Tramp, tariflərin əczaçılıq sektoruna da tətbiq ediləcəyini açıqlayıb.

Bunun digər ölkələrdəki əczaçılıq şirkətlərinin öz istehsallarının ABŞ-a köçürməsinə imkan yaradacağını qeyd edən Tramp, "Bunu eşidəndə Çini tərk edəcəklər. Satmaq məcburiyyətində olduqları üçün başqa yerləri tərk edəcəklər. Məhsullarının çoxu burada satılır" bildirib.

Tramp, şirkətlərin ABŞ-da istehsal etdikləri təqdirdə tariflərlə üzləşməyəcəyini bildirmişdi.

Bu ay əczaçılıq şirkəti Novartis də növbəti beş il ərzində 23 milyard dollar investisiya ilə ABŞ-da istehsal, araşdırma və inkişaf fəaliyyətini genişləndirmək planlarını açıqlayıb.