"Eurasia Group" nəşr etdiyi hesabatında, ABŞ, Çin və Avropada qeyri-müəyyənliklər səbəbindən 2017-nin İkinci Dünya Müharibəsindən bu yana ən dalğalı il ola biləcəyini qeyd edib.

Dünyanın ən böyük siyasi məsləhət şirkəti “Eurasia Group”a görə, Donald Trump-ın rəhbərlik edəcəyi ABŞ, yoluna eyni iqtisadi artım rəqəmlərilə davam edən Çin və zəifləyən Baş naziri Almaniya ilə başlayan 2017-ci il, İkinci Dünya Müharibəsindən bu yana ən dalğalı il ola bilər.

"2017-də geosiyasi böhranın olduğu bir prosesə giririk"  qeyd edən şirkət, hesabatında, "Beynəlxalq müharibə və ya iri dövlət müəssisələrinin iflası düşünülə bilər"  ifadələrinə yer verib.

“Eurasia”nın hesabatına görə, Trumpın Rusiya ilə "buzları" əridəcəyi  siqnalları verməsi, NATO-ya şübhə ilə yanaşması və Avropada yüksələn sağ ilə yaxınlığı, İkinci Dünya Müharibəsindən sonra yaranmış  qlobal sistemi zəiflədir.

“Eurasia Group”, Almaniya, Fransa, Niderlanddakı seçkiləri, Böyük Britaniyanın Avropa İttifaqından çıxma prosesinin başlayacağını və ABŞ-da güc nisbətlərinin dəyişməsinin inkişaf edən iqtisadiyyatlarda yaratdığı təzyiqi və Avropadakı qaçqın böhranını 2017-nin sabitliyinə yönələn başlıca təhdidlər arasında görür.

 Hesabata görə, hakimiyyəti dəyişməyə hazırlaşan Çinin Dövlət Başçısı Xi Jinping, ABŞ-ın Çin siyasətinin dəyişməsinə sərt cavab verə bilər. Xi, milli sabitliyi təmin etmək üçün hər hansı bir iqtisadi problemə də həddən artıq reaksiya verə bilər.

 AB-Türkiyə arasında imzalanan ancaq həyata keçməyən qaçqın müqaviləsi, Yunanıstanın borc böhranı və Brexit-dən sonrakı atmosferlə üzbəüz olan Almaniyanın Baş naziri Angela Merkel, payızda seçki yarışına girəcək. Merkelin ardıcıl dördüncü dövrdə də qazanacağını nəzərdə tutan Eurasiaya görə, Fransada apreldə baş tutacaq seçkilərdə ifrat sağçı Milli Cəbhənin qalib çıxması ehtimalı böyükdür.

“Bloomberg” Televiziyasına danışan Nyu-York Universitetinin İqtisadiyyat Professoru Nouriel Roubini, Milli Cəbhə lideri Marina Le Penin Fransada prezident seçkisindən qalib çıxmasının Avropa üçün ən böyük risk olduğunu deyib:

"Əgər Le Pen  vəzifəyə gələrsə, İtaliyada da AB əleyhdarı bir partiya qalib gəlsə, bu, Avropa və Avro Bölgəsinin sonu ola bilər".

Eurasianın 2017 üçün nəzərdə tutduğu digər risklər isə belədir:

 1- "Müsbət gedişatda" olan Çin xaric, aralarında Türkiyə, İtaliya, Rusiya, Səudiyyə Ərəbistanı, Cənubi Afrika və Birləşmiş Krallığın da olduğu 14 ölkədə iqtisadi islahatların çatışmazlığı,

 2- Siyasətçilərin, iqtisadi çətinliklərdə başda Amerika Mərkəzi Bankı (Fed) olmaqla mərkəzi bankları ittiham etmələri. Eurasia Group, bu tip "ittihamların", 2017-də qlobal bazarlar üçün risk yaradacağını deyir,

 3- Şimali Koreyanın 20 nüvə silah yaratdığı  nüvə proqramının ABŞ üçün təhlükə yaratması.

 4- Türkiyədə dövlət nəzarətinin artması, faizlərin aşağı saxlanılması üçün təzyiqin güclənməsi və iqtisadi  artımda yavaşlamanı dayandırmaq üçün maliyyə təşviqlərə olan asılılığın artması.