"Bank VTB (Azərbaycan)" ASC 2025-ci ilin 1-ci rübünü (yanvar-mart) 3 milyon 306 min manat xalis mənfəət ilə başa vurub. Bank 2024-cü ilin 1-ci rübünü 2 milyon 202 min manat xalis mənfəət ilə bağlamışdı. Beləliklə, "Bank VTB (Azərbaycan)"ın xalis mənfəəti 2025-ci ilin 1-ci rübündə ötən ilin eyni dövrü ilə müqayisədə 1 milyon 104 min manat və ya 50% artıb. Bankın xalis mənfəətinin artması gəlirlərinin artmasından qaynaqlanır.

GƏLİRLƏRİ XƏRCLƏRİNDƏN DAHA ÇOX ARTIB

Marja.az xəbər verir ki, 2025-ci ilin 1-ci rübündə ötən ilin eyni dövrü ilə müqayisədə "Bank VTB (Azərbaycan)" faiz gəlirləri 2 milyon 818 min manat və ya 39,3% artaraq 9 milyon 996 min manat, qeyri-faiz gəlirləri isə 1 milyon 110 min manat və ya 41% aratarq  3 milyon 811 min manat təşkil edib.

2025-ci ilin 1-ci rübündə ötən ilin eyni dövrü ilə müqayisədə "Bank VTB (Azərbaycan)"ın  faiz xərcləri 230 min manat və ya 11,6% artaraq 2 milyon 209 min manat, qeyri-faiz xərcləri  2  milyon 90 min manat və ya 30,8% aratarq 8 milyon 863 min manat təşkil edib.

İlk rübdə "Bank VTB (Azərbaycan)"ın cəmi əməliyyat gəlirlərini (faiz və qeyri-faiz gəlirləri) 3 milyon 928 min manat, cəmi əməliyyat xərcləri (faiz və qeyri-faiz xərcləri) 2 milyon 320 min manat artıb. Gəlirlərdəki artım məbləği xərclərdəki artım məbləğindən yüksək olduğu üçün  "Bank VTB (Azərbaycan)ın əməliyyat mənfəəti 1 milyon 608 min manat artıb.

2025-ci ilin ilk rübündə "Bank VTB (Azərbaycan)"ın cəmi əməliyyat gəlirləri 13 milyon 807 min manat, cəmi əməliyyat xərcləri 11 milyon 72 min manat, əməliyyat mənfəəti 2 milyon 735 min manat təşkil edib (2024-cü ilin 1-ci rübündə 1 milyon 127 min manat). Həmçinin mümkün zərərlər üçün yaradılan məqsədli ehtiyatlardan azad olan 809 min manat mənfəətə əlavə olunub (2024-cü ilin ilk rübündə ehtiyatdan 1 milyon 480 min manat azad olmuşdu).

BANK BÖYÜYÜB

2024-cü ilin sonu ilə müqayisədə 2025-ci ilin ilk rübündə "Bank VTB (Azərbaycan)"ın cəmi aktivləri 31 milyon 443 min manat və ya 9,9% artaraq 348 milyon 541 min manata, o cümlədən kredit portfeli (müştərilərə verilmiş kreditlər ) 777 min manat və ya 0,3% artaraq 235 milyon 764 min manata çatıb.

İlk rübdə "Bank VTB (Azərbaycan)" digər banklar və  maliyyə institutlarında 30 milyon manat depozit yerləşdirib.

"Bank VTB (Azərbaycan)"da depozitlər 14 milyon 204 min manat və ya 12,4% aratraq 128 milyon 357 min manata yüksəlib. 

 MƏCMU KAPİTALI ARTIB

31 Mart 2025-ci il tarixində "Bank VTB (Azərbaycan)"da d 95 milyon 691 min manat məcmu kapitala malik olub. Bank ötən ilin sonunda 92 milyon 252 min manat məcmu kapitala malik idi.

"Bank VTB (Azərbaycan)" ASC-nin səhmdarları “Bank VTB” İSC (Rusiya Federasiyası) 99.99% və  Adıgözәl Ağayevdir (0.01%)Banka nәzarәt hüququna malik olan yekun tәrәf “Bank VTB” İSC (Rusiya Federasiyası) vasitәsilә Rusiya Federasiyasının hökumәtidir.