ÜTT: ABŞ-Çin qarşıdurması qlobal real ÜDM-in uzunmüddətli 7% azalmasına səbəb ola bilər

ÜTT: ABŞ-Çin qarşıdurması qlobal real ÜDM-in uzunmüddətli 7% azalmasına səbəb ola bilər

ÜTT-nin Baş Direktoru Nqozi Okonjo-İveala (Ngozi Okonjo-Iweala) xəbərdarlıq edib ki, ABŞ və Çin arasında ticarət gərginliyinin artması iki ölkə arasında mal ticarətinin 80 faizə qədər kəskin azalmasına və qlobal real ÜDM-in 7 faizə yaxın uzunmüddətli azalmasına səbəb ola bilər.

ÜTT: ABŞ-Çin qarşıdurması qlobal real ÜDM-in uzunmüddətli 7% azalmasına səbəb ola bilər

Ümumdünya Ticarət Təşkilatı (ÜTT) hesab edir ki, ABŞ-Çin qarşıdurması qlobal real Ümumi Daxili Məhsulun (ÜDM) uzunmüddətli 7% azalmasına səbəb ola bilər.

Marja xəbər verir ki, ÜTT-nin Baş Direktoru Nqozi Okonjo-İveala (Ngozi Okonjo-Iweala) yazılı açıqlamasında, ABŞ və Çin arasındakı tarif hesablaşmasının iki ölkə arasındakı ticarətlə yanaşı, qlobal iqtisadi mənzərəyə də zərər verə biləcəyini qeyd edib.

VTB-də yüksək depozit faizləri daha çox qazandırır

Qlobal ticarətin əhəmiyyətli bir hissəsini təşkil edən dünyanın iki ən böyük iqtisadiyyatı arasında “qisasa-qisas” yanaşmasının risklərinə diqqət çəkən Okonjo-Iweala, “İlkin hesablamalarımıza görə, bu iki iqtisadiyyat arasında mal ticarəti 80-ə qədər azala bilər” deyib.

Okonjo-İweala, mənfi makroiqtisadi inkişafın digər iqtisadiyyatlara, xüsusilə də ən zəif inkişaf etmiş ölkələrə yayılacağını vurğulayaraq, aşağıdakı qiymətləndirməni edib:

"Qlobal ticarətin geosiyasi xətlər üzrə parçalanma potensialı xüsusilə narahatedicidir. Qlobal iqtisadiyyatın iki bloka parçalanması qlobal real ÜDM-in 7 faizə yaxın uzunmüddətli azalmasına səbəb ola bilər. Üstəlik, ticarətin istiqamətini dəyişdirməsi koordinasiyalı qlobal reaksiya tələb edən təcili təhlükə olaraq qalır. Biz bütün ÜTT üzvlərini əməkdaşlıq və dialoq vasitəsilə bu problemi həll etməyə çağırırıq.

Qlobal birliyin beynəlxalq ticarət sisteminin açıqlığını qorumaq üçün birgə işləməsi çox vacibdir. ÜTT üzvləri açıq, qaydalara əsaslanan ticarət sistemini saxlamağa borcludurlar. ÜTT dialoq üçün mühüm platforma rolunu oynayır. Bu məsələlərin əməkdaşlıq yolu ilə həll edilməsi vacibdir”.

10.04.2025 07:37

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az