Fitch: Tariflər ABŞ-ın tənəzzül risklərini artırır

Fitch: Tariflər ABŞ-ın tənəzzül risklərini artırır

Güman edilir ki, tariflər ABŞ-da tənəzzül risklərini əhəmiyyətli dərəcədə artıracaq və gözlənilən qiymət şoklarını nəzərə alaraq ABŞ Federal Ehtiyat Sisteminin (FED) faiz dərəcələrini daha da aşağı salmaq qabiliyyətini məhdudlaşdıracaq, - Fitch Ratings bildirib.

Fitch: Tariflər ABŞ-ın tənəzzül risklərini artırır

Qlobal kredit reytinqi agentliyi Fitch Ratings, ABŞ-ın tariflərinin (gömrük rüsumlarının) maliyyə təsirinin qarışıq olduğunu və əsas problemləri həll etməyəcəyini açıqlayıb.

Marja.az-ın məlumatına görə, Fitch-in açıqlamasında deyilir ki, tarif gəlirləri (gömrük rüsumu daxilolmaları) ABŞ-ın 2025-ci ildə büdcə kəsirini azaltmağa kömək edəcək, lakin iqtisadi artıma vurulan zərbə və əlavə vergi endirimləri uzunmüddətli fiskal faydaları məhdudlaşdıracaq.

Fitch bildirib ki, uzunmüddətli xərcləmə təzyiqləri aradan qaldırılmasa, ABŞ-ın borcunun ÜDM-ə nisbətini sabitləşdirmək çətin olacaq.

Açıqlamada aprelin 2-də açıqlanan qarşılıqlı tariflər ilə ABŞ-ın effektiv tarif dərəcəsinin təxminən 25%-ə yüksəldiyi xatırladılıb və qeyd edilib ki, daha yüksək effektiv tarif dərəcəsi digər şərtlər sabit qaldıqda gəlirin daha çox artması deməkdir.

“Faiz dərəcələrini azaltmaq imkanları məhdudlaşdırıla bilər”

“Lakin biz hesab edirik ki, tariflər ABŞ-ın tənəzzül risklərini əhəmiyyətli dərəcədə artırır və FED-in əlavə tariflərin qiymətlərə gözlənilən şoku (inflyasiyanın artmasını) nəzərə alaraq faiz dərəcələrini daha da azaltmaq imkanını məhdudlaşdırır”, - deyə açıqlamada bildirilir.

Açıqlamada daha kəskin iqtisadi yavaşlamanın qeyri-tarif gəlirlərinə ciddi təzyiq göstərəcəyi, xərcləri artıracağı və bu təsirlərin tariflərdən qaynaqlanan gəlirlərin birdən-birə artımını gecikdirəcəyi, maliyyə bazarındakı volatillikdən irəli gələn mənfi təsirlərlə birlikdə 2026-cı ilə qədər özünü büruzə verəcəyi qeyd edilib.

Tənəzzül (ressesiya) və ya durğunluq iqtisadi fəaliyyətdə azalmadır. Tənəzzül - ölkənin iqtisadi fəaliyyətinin ən azı 6 ay ərzində orta səviyyədə azalması, nəticədə real ümumi daxili məhsulun azalması mərhələsidir. İqtisadiyyatda geriləmə orta deyil, şiddətlidirsə, buna depressiya deyilir.

09.04.2025 08:44

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az