Qızılın qiymətində daha bir rekord - DAYANMADAN BAHALAŞIR

Qızılın qiymətində daha bir rekord - DAYANMADAN BAHALAŞIR

Qızılın qiyməti ticarət müharibəsinin genişlənməsi ilə bağlı narahatlıqlar səbəbindən yeni rekord həddə çatıb.

Qızılın qiymətində daha bir rekord - DAYANMADAN BAHALAŞIR

ABŞ prezidenti Donald Trampın bütün avtomobil idxalına 25 faizlik rüsum tətbiq edəcəyini bəyan etməsindən sonra ticarət müharibəsinin genişlənməsi ilə bağlı narahatlıqlar investorları təhlükəsiz aktivlərə sövq edib.

Marja.az xəbər verir ki, cümə günü qızıl 0,8% də bahalaşaraq bir unsiyası 3 080 dolları keçərək tarixi ən yüksək səviyyəsinə çatıb (yeni rekord).

Tramp cümə axşamı avtomobil idxalına tarifləri (gömrük rüsumlarını) rəsmən təsdiqləyərək, Avropa İttifaqı və Kanadanın Birləşmiş Ştatlara iqtisadi zərər vurmaq üçün birləşsələr, daha sərt sanksiyalarla üzləşəcəkləri barədə xəbərdarlıq edib. Bazarlar həmçinin aprelin 2-də qüvvəyə minəcək yeni ticarət vergilərinə hazırlaşır. Ağ Ev “qarşılıqlı tariflər” tətbiq edəcəyini bəyan etsə də, planın tam əhatə dairəsi hələ dəqiqləşdirilməyib.

Qızıl bu il təxminən 16 faiz dəyər qazanıb və ən azı 15 dəfə rekord həddə çatıb. Geosiyasi və iqtisadi qeyri-müəyyənliklər fonunda mərkəzi bankların alışları və investorların təhlükəsiz aktivlərə olan tələbi qızıl qiymətlərini dəstəkləməyə davam edir. Bu amillər ABŞ Federal Ehtiyat Sisteminin (FED, ABŞ Mərkəzi bankı) bu il faiz dərəcələrini azaldacağına dair bazar gözləntiləri də qızılın bahalaşmasına kömək edib. Aşağı faiz dərəcələri çox vaxt faizsiz qızılı daha cəlbedici edir.

Böyük banklar qızılın qiymət proqnozlarına yenidən baxıblar. Goldman Sachs bu həftə ilin sonuna qiymət proqnozunu bir unsiya üçün 3300 dollara qaldırıb. Bank bu artımın əsas səbəbləri kimi mərkəzi banklardan yüksək tələbat və qızılla dəstəklənən birja fondlarına (ETF) güclü axını göstərib.

Gümüş qiyməti də 2012-ci ildən bəri ən yüksək səviyyəyə yaxınlaşır.

Bakı vaxtı ilə saat 09:50-yə olan məlumata görə, qızıl 0,8 faiz bahalaşaraq bir unsiya üçün 3081,69 dollara ticarət olunub. Qızıl bu həftə 2 faizə yaxın bahalaşaıb.

28.03.2025 09:57