Logistika nəhəngi 8000 işçini ixtisar edəcək

Logistika nəhəngi 8000 işçini ixtisar edəcək

Logistika nəhəngi 8000 işçini ixtisar edəcək

Logistika nəhəngi DHL, Almaniyada təxminən 8000 nəfəri işdən çıxaracağını açıqlayıb. Şirkət 2027-ci ilə qədər 1 milyard avrodan çox (1,08 milyard dollar) qənaət etməyi hədəfləyir. Qərar, DHL-in illik əməliyyat mənfəətində 7 faiz azalmadan sonra verilib.

Marja xəbər verir ki, DHL-in baş direktoru Tobias Meyer Reuters-ə bildirib ki, ixtisar Almaniyada poçt və karqo bölməsində baş verəcək.

Logistika sektorunda gəlirliliyin azalması gözlənilir

HSBC-nin Qlobal Nəqliyyat və Logistika Tədqiqatının rəhbəri Parash Jain logistika sektorunda mənfəət artımının bu il yavaşlayacağını proqnozlaşdırır. Jain, logistika şirkətlərinin xərcləri azaltmalı olacağını, qlobal konteyner ticarəti və hava yüklərində artım tempinin iki dəfə azalacağını gözlədiyini söyləyib.

DHL-in səhmləri son bir ildə logistika sektorunun ümumi performansından geri qalaraq dəyərinin təxminən 11 faizini itirib.

DHL-in baş direktoru Tobias Meyer, poçt və karqo bölməsinin xərclərin artması və məktubların həcminin azalması ilə illərdir mübarizə apardığını, lakin bölməni ayırmaq və ya bağlamaq planlarının olmadığını söyləyib. Onun sözlərinə görə, Almaniyanın tənzimləyi qurum tərəfindən təsdiq edilmiş yeni marka qiymətləri qaydaları bu problemləri həll etmək üçün kifayət deyil.

Meyer, Almaniyada Verdi həmkarlar ittifaqı ilə əmək haqqının 5 faiz artırılmasını və əlavə məzuniyyət günlərini ehtiva edən yeni əmək haqqı müqaviləsinin işçi ixtisarının səbəblərindən biri olduğunu bildirib. Qeyd edilib ki, bu müqavilə 2026-cı ilin sonuna qədər DHL-ə təxminən 360 milyon avroya başa gələcək.

DHL 2024-cü ildə 5,89 milyard avro əməliyyat mənfəəti əldə edib. Şirkət 2025-ci il üçün 6 milyard avrodan çox əməliyyat mənfəəti hədəfləyir. Bununla belə, bu rəqəm analitiklərin 6,29 milyard avroluq proqnozundan aşağıdır.

06.03.2025 15:12

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az