"ADOBE Systems" Azərbaycanda qeydiyyata alındı - XİDMƏT ALANDA ƏDV HESABLANMAYACAQ

"ADOBE Systems" Azərbaycanda qeydiyyata alındı - XİDMƏT ALANDA ƏDV HESABLANMAYACAQ

“Adobe Systems Software Ireland Limited” şirkəti ƏDV məqsədləri üçün elektron qaydada vergi uçotuna alınıb. Şirkətin təqdim etdiyi xidmətlərin alınmasına görə fiziki şəxslərin həyata keçirdiyi ödənişlər zamanı banklar tərəfindən ƏDV məbləği hesablanmayacaq.

"ADOBE Systems" Azərbaycanda qeydiyyata alındı - XİDMƏT ALANDA ƏDV HESABLANMAYACAQ

Vergi orqanları tərəfindən elektron ticarətin vergiyə cəlb olunması istiqamətində aparılan islahatlar çərçivəsində xarici şirkətlərin ƏDV məqsədləri üçün uçota alınması prosesi davam etdirilir. Daha bir nüfuzlu beynəlxalq şirkət bu məqsədlə Dövlət Vergi Xidmətinin (DVX) Portalında elektron qaydada vergi uçotuna alınıb.

Dövlət Vergi Xidmətinin yaydığı məlumatda bildirilir ki, Dünyanın 10-cu ən böyük qrafika və media proqram təminatı istehsalı şirkətindən biri olan “Adobe Systems Software Ireland Limited” şirkətinin Azərbaycan Respublikasında ƏDV məqsədləri üçün qeydiyyatı 2025-ci il martın 1-dən etibarən qüvvəyə minib. Vergi Məcəlləsinin 33.8-1-ci və 169.8-ci maddələrinin tələblərinə uyğun olaraq, həmin tarixdən etibarən şirkətin təqdim etdiyi xidmətlərin alınmasına görə fiziki şəxslərin həyata keçirdiyi ödənişlər zamanı banklar tərəfindən ƏDV məbləği hesablanmayacaq.

VTB-də minimal faiz dərəcəsi ilə nağd kredit 10.49%-dən

“Adobe Systems Software Ireland Limited” qrafik dizayn, multimedia məzmunu, sənədlərin idarə edilməsi və proqram təminatı həlləri üzrə dünya miqyasında tanınmış şirkətdir. “Adobe Creative Cloud”, “Adobe Acrobat”, “Adobe Photoshop” və digər proqram məhsulları vasitəsilə istifadəçilərə rəqəmsal yaradıcılıq və biznes həlləri təqdim edən şirkət İrlandiyada qeydiyyatdan keçib və fəaliyyətini beynəlxalq səviyyədə həyata keçirir.

Qeyd edək ki, ötən ilin sonlarında “Apple Distribution International Limited” şirkəti də Azərbaycanda Respublikasında ƏDV məqsədləri üçün elektron qaydada vergi uçotuna alınıb. DVX bu prosesin davamlı olması üçün müvafiq tədbirlər həyata keçirir. Bu addımlar elektron xidmətlərin vergitutma bazasının genişləndirilməsi, vergi inzibatçılığının təkmilləşdirilməsi və ədalətli rəqabət mühitinin formalaşdırılması baxımından mühüm əhəmiyyət kəsb edir.

Qeyd edək ki, Adobe şirkəti Adobe Acrobat, Adobe Photoshop, Adobe Spark, Adobe Premiere Pro, Adobe Illustrator və s. məhsulları istehsal edir.

05.03.2025 16:04