Lizinq şirkətinin səhmlərinin 80 faizinə sifariş olmadı

Lizinq şirkətinin səhmlərinin 80 faizinə sifariş olmadı

Lizinq şirkətinin səhmlərinin 80 faizinə sifariş olmadı

15 yanvar 2025-ci il tarixində Bakı Fond Birjasının (BFB) Listinq Komitəsinin qərarı ilə “Legion Financial” ASC-nin səhmlərinin ticarətə buraxılması üçün “Ticarətə İcazə” qərarı verilmişdi.

Birjanın yaydığı məlumata görə, “Legion Financial” ASC-nin qiymətli kağızların abunə yazılışı 12.02.2025-ci ildə başlayıb, 10 gün davam edib və fevralın 22-i bitmişdir.

Qeyd olunan səhmlərin abunə yazılışı üsulu ilə yerləşdirilməsi 26.02.2025-ci il tarixində Bakı Fond Birjasında yekunlaşmışdır.

Cəmi məbləği 605 min manat olan səhmlərə 2 investor 120 min manatlıq sifarişlər təqdim edib. Səhmlərin cəmi 120 min manatlıq hissəsi yerləşdirilib. Buraxılışın təxminən 80%-nə sifariş olmadığından yerləşdirilməsi baş tutmayıb.

Qeyd olunan qiymətli kağızların ticarət nəticələri “Bakı Fond Birjasında Qiymətli Kağızların Ticarətə Qəbulu, Listinqə Alınması, Listinqdə Saxlanılması və Delistinqi Qaydaları”-n 3.17 bəndinin tələblərinə cavab verdiyinə görə, Standart Bazar Listinq seqmentinə alınır.

Səhmlər üzrə məlumat aşağıdakı kimidir:

Emitentin adı: “Legion Financial” ASC

Dövlət qeydiyyat nömrəsi – İSİN: AZ1001025464

Səhmin növü və forması: Adi, adlı, sənədsiz səhm

Ticarət üsulu / forması: Kütləvi / Abunə yazılışı

Səhmlərin sayı: 6 050 (ədəd)

İlkin ticarət qiyməti: 100 manat

Buraxılış həcmi: 605 000 manat

Hərrac qiyməti: 100 manat

Reallaşdırılmış həcm: 120 000 manat

Sifarişlərin ümumi həcmi (nominal qiymətlə): 120 000 manat

İnvestor sayı: 2

Sifariş sayı: 2

Ticarətə buraxılma tarixi: 26.02.2025

Anderrayter: “Unicapital İ.Ş”ASC

Qeyd edək ki, “Legion Financial” ASC lizinq xidmətləri təklif edir.

26.02.2025 17:03

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az