Qlobal borc 318 trilyon dollara çataraq rekord qırıb

Qlobal borc 318 trilyon dollara çataraq rekord qırıb

Qlobal borc keçən il təxminən 7 trilyon dollar artaraq 318 trilyon dollara çatıb ki, bu da yeni rekorddur.

Qlobal borc 318 trilyon dollara çataraq rekord qırıb

Beynəlxalq Maliyyə İnstitutu (IIF) “Qlobal borc monitorinqi” hesabatını dərc edib.

Marja.az xəbər verir ki, hesabata görə, qlobal borc məbləği 2024-cü ildə təxminən 7 trilyon dollar artaraq 318 trilyon dollara çataraq, rekord qırıb. Lakin bu artım məbləği, 2023-cü ildəki 16 trilyon dollarlıq artımdan aşağıdır.

VTB-də yüksək depozit faizləri daha çox qazandırır

Qlobal borclanmanın yavaşlaması, ABŞ-ın ticarət və immiqrasiya siyasətlərinin inflyasiyaya təsiri ilə bağlı narahatlıqlar ilə əlaqədar olaraq FED-in faiz endirimləri ilə bağlı bazar gözləntilərinin azalması ilə, əhəmiyyətli dərəcədə artan qeyri-müəyyənlik də nəzərə alınmaqla ehtiyatlı mövqe kimi qəbul edilir.

Xüsusilə, 2024-cü ilin dördüncü rübündə borc səviyyələrində əhəmiyyətli bir azalma müşahidə edilb.

Ötən il qlobal borc artımının təxminən 65 faizi inkişaf etməkdə olan ölkələrin payına düşüb.

Keçən il inkişaf etmiş iqtisadiyyatların ümumi borcu 214,3 trilyon dollar məbləğində hesablandığı halda, inkişaf etməkdə olan ölkələrdə borc 103,7 trilyon dollar səviyyəsində qeydə alınıb.

Borcların bölgüsünə baxıldığında, 2024-cü ilin sonuna qədər ev təsərrüfatlarının borcu 60,1 trilyon dollara, qeyri-maliyyə şirkətlərinə borc 91,3 trilyon dollara, dövlət borcu 95,3 trilyon dollara, banklar kimi maliyyə şirkətlərinə borc isə 71,4 trilyon dollara yüksəlib.

Qlobal borcun ÜDM-ə nisbəti 2024-cü ildə 1,5 faiz bəndindən çox artaraq 328 faizə çatıb. Bu, pandemiyanın qlobal borcun ÜDM-ə nisbətində 35 faiz bəndindən çox artıma səbəb olduğu 2020-ci ildən bəri ilk illik artımdır.

2025-ci ilin birinci yarısında qlobal borcun artımında daha da yavaşlama gözlənilir. Qlobal iqtisadi siyasətin qeyri-müəyyən və borclanma xərclərinin hələ də yüksək olması səbəblərindən borcalanlar daha ehtiyatlı mövqe tutublar.

26.02.2025 14:23

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az