Coca-Cola şirkəti Azərbaycanda 5000 iş yerini dəstəkləyir - 2025-də Azərbaycanda 2-ci zavodu açılacaq

Coca-Cola şirkəti Azərbaycanda 5000 iş yerini dəstəkləyir - 2025-də Azərbaycanda 2-ci zavodu açılacaq

Coca-Cola 2025-ci ildə Azərbaycanda 30 illik yubileyini qeyd etməyə hazırlaşır. 2025-ci ildə Coca-Cola-nın Azərbaycanda 2-ci istehsal müəssisəsinin açılması planlaşdırılır.

Coca-Cola şirkəti Azərbaycanda 5000 iş yerini dəstəkləyir - 2025-də Azərbaycanda 2-ci zavodu açılacaq

“Azerbaijan Coca-Cola Bottlers” MMC-nin baş direktoru Rəna Məmmədova CBC Azərbaycan telekanalına verdiyi müsahibəsində qeyd edib ki, Coca-Cola 2025-ci ildə 30 illiyini qeyd edəcək.

Belə ki, 1994-cü ildən etibarən ölkədə fəaliyyət göstərən Coca-Cola Azərbaycanın qeyri-neft sektorunun ilk və ən böyük investorlarından biridir.

VTB-də minimal faiz dərəcəsi ilə nağd kredit 9.9%-dən

Rəna xanım bildirib ki, Coca-Cola məhsullarını 200-dən çox ölkədə satan qlobal içki şirkətidir və məqsədi dünya istehlakçılarını təravətləndirmək, fərqlilik yaratmaqdır:

“Coca-Cola şirkəti olaraq 30 il ərzində yalnız keyfiyyətli məhsullar istehsal etməklə kifayətlənməyib, həm də Azərbaycan iqtisadiyyatına və sosial, ekoloji sahələrə töhfə verməklə işgüzar əlaqələr qurduq. Azərbaycanda Coca-Cola, Fanta, Sprite, Bonaqua, Cappy və Fuse Tea kimi məşhur sərinləşdirici içki markalarının istehsalı və satışı ilə məşğuluq. Azərbaycanın zəngin mədəniyyəti və irsindən ilham alaraq gələcəkdə də bu əlaqələri daha da möhkəmləndirmək üçün çalışmağa davam edəcəyik”.

Hazırda 400-dən çox işçisi olan Coca-Cola Azərbaycan təchizat zənciri vasitəsilə 5000-dən çox iş yerini dəstəkləyir. Bununla yanaşı, şirkət tullantıların azaldılması, su ehtiyatının qorunması, qadın və gənclərin iqtisadi imkanlarının artırılması məqsədi ilə icma layihələrinə 3 milyon dollardan çox sərmayə yatırıb.

Qeyd edək ki, şirkətin inkişaf planı çərçivəsində 2025-ci ildə Coca-Cola-nın Azərbaycanda 2-ci istehsal müəssisəsinin açılması planlaşdırılır.

Rəna Məmmədova Azerbaijan Coca-Cola Bottlers oca-Cola Fanta Sprite Bonaqua Cappy və Fuse Tea

06.02.2025 13:57