"FERRUM KAPİTAL"ın istiqrazlarına investorlardan sifariş olmadı, delist edildi

"FERRUM KAPİTAL"ın istiqrazlarına investorlardan sifariş olmadı, delist edildi

“Ferrum Kapital”ın istiqrazlarına maraq göstərən investor olmayıb. Faktorinq xidmətləri göstərən şirkət 1 milyon manat borc ala bilmədi.

"FERRUM KAPİTAL"ın istiqrazlarına investorlardan sifariş olmadı, delist edildi

4 fevral 2025-ci il tarixlərində Bakı Fond Birjasında "FERRUM KAPİTAL" QSC-nin AZ2018022288 dövlət qeydiyyat nömrəli 1 milyon manat həcmində, 2 il tədavül müddətli istiqrazların yerləşdirilməsi üzrə hərrac keçirilib.

Marja.az Birjaya istinadən xəbər verir ki, hərrac zamanı investorlar tərəfindən sifariş olmadığından hərrac baş tutmayıb.

Bu səbəbdən, "FERRUM KAPİTAL" QSC-nin AZ2018022288 İSİN kodlu istiqrazları delist edilib.

Qeyd edək ki, "Ferrum Kapital" şirkəti "AGA Şirkətlər Qrupu”a daxildir.

Xəbər verildiyi kimi, 26 dekabr 2024-cü il tarixində Bakı Fond Birjasının (BFB) Listinq Komitəsinin qərarı ilə "FERRUM KAPİTAL" QSC-nin istiqrazları standart bazar seqmentində listinqə daxil edilmişdi. Birjanın yaydığı məlumatda bildirilmişdi ki, qeyd olunan istiqrazların yerləşdirilməsi 10 yanvar 2025-ci il tarixində Bakı Fond Birjasında kütləvi birqiymətli hərrac üsulu ilə həyata keçiriləcək.

Faktorinq xidmətləri göstərən şirkət istiqraz yerləşdirməklə 1 milyon manat borc almaq istəyirdi. Tədavül müddəti 2 il olan istiqrazlar üzrə faiz dərəcəsi 12.5% təşkil edirdi və faizlərin ödəniş periodu hər 3 aydan bir idi.

İstiqrazlar üzrə məlumat aşağıdakı kimi idi:

Emitentin adı: "FERRUM KAPİTAL" QSC

Dövlət qeydiyyat nömrəsi – İSİN: AZ2018022288

İstiqrazın növü və forması: İstiqraz faizli, təmin edilməmiş sənədsiz adlı

Ticarət üsulu / forması: Kütləvi / Birqiymətli

İstiqrazların sayı: 1000 (ədəd)

İlkin ticarət qiyməti: 1000 AZN

İstiqrazların buraxılış həcmi: 1 000 000 AZN

İllik gəlirlilik faizi: 12.5%

Ödəmə periodu: İldə günlərin sayı 360 (üç yüz altmış) və bir ayda günlərin sayı 30 gün olaraq götürülməklə hər 3 (üç) təqvim ayından bir

Tədavül müddəti: 2 il

Ticarətə buraxılma tarixi: 10.01.2025

Anderrayter: “PAŞA Kapital İ.Ş.” ASC

04.02.2025 15:31

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az