İntel-in gəliri azalıb, zərər edib

İntel-in gəliri azalıb, zərər edib

ABŞ-ın çip istehsalçısı Intel-in gəliri keçən ilin son rübündə əvvəlki illə müqayisədə 7 faiz azalsa da, gözləntiləri üstələyib. Intel şirkəti, maliyyə hesabatlarına görə, 2023-cü ildəki 1 milyard 689 milyon dollar xalis mənfəətə qarşı, keçən il 18 milyard 756 milyon dollar xalis zərər edib.

ABŞ-ın çip istehsalçısı Intel 2024-cü ilin oktyabr-dekabr dövrü üzrə balans hesabatını açıqlayıb.

Marja xəbər verir ki, şirkətin gəliri ötən ilin dördüncü rübündə 2023-cü ilin eyni dövrü ilə müqayisədə 7% azalaraq 14,3 milyard dollar olub. Şirkət 2023-cü ilin eyni dövründə 15,4 milyard dollar gəlir əldə etmişdi.

VTB-də minimal faiz dərəcəsi ilə nağd kredit 10.49%-dən

Intel-in bu dövrdəki gəliri aşağı olsa da, 13,8 milyard dollarlıq bazar proqnozunu üstələyib.

2023-cü ilin son rübündə təxminən 2,7 milyard dollar xalis mənfəət açıqlayan Intel, 2024-cü ilin eyni dövründə təxminən 126 milyon dollar zərər etdiyini bildirib.

Çip istehsalçısının eyni dövrdə səhmbaşına zərəri 3 sent olub. Intel, ötən ilin son rübündə səhmbaşına 63 sent qazanc əldə etdiyini bildirmişdi.

Intel-in 2024-cü il ərzində cəmi gəliri də illik müqayisədə 2 faiz azalaraq 53,1 milyard dollar olub. Şirkətin ötən il cəmi zərəri 18,8 milyard dollar təşkil eidb.

Intel öz mənfəət hesabatında bu ilin birinci rübündə 11,7 milyard dollardan 12,7 milyard dollara qədər gəlirlə, səhmbaşına 27 sent zərər gözlədiyini bildirib.

Şirkətin müvəqqəti baş icraçı direktoru Michelle Johnston Holthaus bildirib ki, ötən ilin son rübü müsbət olub, gəlir və marja gözləntiləri üstələyib.

“Məhsul portfelimizin gücləndirilməsinə və sadələşdirilməsinə diqqət yetirməyimiz və yol xəritəmizdə davamlı irəliləyiş bizi müştərilərimizin ehtiyaclarına daha yaxşı xidmət etmək üçün mövqeləndirir”- Johnston Holthaus deyib.

Intel-in Baş Maliyyə Direktoru David Zinsner də şirkətin istiqamətini yaxşılaşdırmaq üçün keçən il elan etdikləri xərclərin azaldılması planının öz təsirini göstərdiyini vurğulayıb.

Yatırdıqları kapitaldan daha çox gəlir əldə etməyə və gəlirliliyi artırmağa çalışdıqlarını qeyd edən Zinsner, bu ilin ilk rübünə dair gözləntilərin makro qeyri-müəyyənlikləri əks etdirdiyini qeyd edib.

31.01.2025 10:26

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az