Türkiyə Cümhuriyyəti Mərkəzi Bankı (TCMB) 2025-ci ilin ilk faiz qərarını açıqladı.

Marja.az xəbər verir ki, gözlənildiyi ki, TCMB-nin İdarə Heyətinin qərarı ilə faiz dərəcəsi 2,50 faiz bəndi də azaldılaraq 45 faiz müəyyən edilib.

Keçən ay keçirilən toplantıda TCMB faiz dərəcəsini 2,50 faiz bəndi azalaraq 50 faizdən 47,50 faizə endirmişdir. 

Mərkəzi Bankın press-relizində bildirilir:

"Dekabr ayında inflyasiyanın əsas tendensiyası azalsa da, əsas məlumatlar yanvar ayında proqnozlara uyğun artıma işarə edir. Lakin əsas malların inflyasiyası nisbətən aşağı olaraq qalır.  

Pul siyasətində qətiyyətli mövqe, saxili tələbin tarazlaşdırılması, türk lirəsinin real bahalaşması və inflyasiya gözləntilərinin yaxşılaşması  dezinflyasiya prosesini gücləndirir. Fiskal siyasətin koordinasiyasının artırılması da bu prosesə əhəmiyyətli töhfə verəcək. Sərt pul siyasəti mövqeyi inflyasiyanın daimi azalmasına və qiymət sabitliyinə nail olunana qədər davam etdiriləcək. İdarə Heyəti qərarlarını ehtiyatlı və iclasa əsaslanan bir yanaşma ilə verəcəkdir. İnflyasiyanın əhəmiyyətli və daimi pisləşməsi proqnozlaşdırılarsa, pul siyasəti alətlərindən səmərəli istifadə ediləcək.

İdarə Heyəti inflyasiyanın əsas tendensiyasını azaldacaq və monetar sərtləşdirmənin gecikmiş təsirlərini nəzərə alaraq inflyasiyanı orta müddətli dövrdə 5 faiz hədəfinə çatdıracaq pul və maliyyə şərtlərini təmin edəcək şəkildə siyasət qərarlarını müəyyən edəcək . Bu baxımdan bütün pul siyasəti alətlərindən qətiyyətlə istifadə olunacaqdır"

Bakı vaxtı ilə saat 15:00-da Dollar/TL məzənnəsi 35,66 lirə səviyyəsində olub. 

Türkiyə 2023-cü ilin mayında keçirilən Prezident və Parlament Seçkilərindən sonra iqtisadiyyatda ortodoks siyasətə qayıdıb. Ölkənin iqtisadi komandası yüksək inflyasiyaya nəzarət etmək üçün sərt pul siyasəti həyata keçirməyə başlamış, TCMB faizini 2023-cü ilin may ayında 8,5 faizdən 15 faizə yüksəltmişdi. Sonrakı aylarda faiz dərəcəsini müvafiq olaraq 17 faizə, 25 faizə, 30 faizə, 35 faizə, 40 faizə, 42,50 faizə və 45 faizə çatdıran Mərkəzi Bank, 2023-cü ilin mart ayında faizini 50 faiz müəyyən etmişdi. 2024-cü ilin dekabrına qədər TCMB faizini 50 faizdə sabit saxlamışdı.