Ölkəmizdə ilk dəfə Qadın Liderləri Zirvəsi keçiriləcək!

Ölkəmizdə ilk dəfə Qadın Liderləri Zirvəsi keçiriləcək!

“Facemark” və “İnci - İşgüzar xanımların ünsiyyət klubu”nun birgə təşkilatçılığı ilə 4 mart 2025-ci ildə Gülüstan Sarayında Qadın Liderləri Zirvəsi keçiriləcək.

Tədbir “Fərqlərin Bərabərliyi” konsept mesajı ilə 500-ə yaxın mütəxəssisləri, liderləri və fikir öndərlərini bir araya gətirəcək. Bütöv günü əhatə edəcək tədbir zamanı iştirakçılar fərqli sahələrdən olan qadınların panel mövzuları üzrə çıxışılarını dinləyəcək, onların təcrübələrindən öyrənəcək və liderlikdə bərabərliyin, həmçinin fərdlərin deyil, fərqlərin bərabərliyinə vurğu edəcəklər.

"Fərqlərin Bərabərliyi" konsepti cəmiyyətin müxtəlifliklərindən yaranan gücü və harmoniyanı əks etdirir. Bu, fərqli təcrübələrin, mədəniyyətlərin, düşüncələrin və həyat yollarının bir araya gələrək daha geniş və dərin bir anlayış yaratdığını göstərir. Konseptin əsas mahiyyəti, bu müxtəlifliklərin ayrı-ayrılıqda dəyərli olduğunu, lakin birlikdə olduqda daha böyük bir sinerji yaratdığını vurğulamaqdadır.

“Biznesdə Qadınlar”, “İnnovasiya və Strateji Yanaşmalar”, “Rəqəmsal Trendlər Dövrünündə Qadınlar” panelləri üzrə peşəkar moderator və spikerlər müxtəlifliyin gücünü önə çıxararaq fərqli təcrübələrin və bacarıqların bir-birini necə tamamladığını vurğulayacaq, müxtəlif sahələrdən olan uğurlu qadın liderlərin təcrübələrini bölüşəcəklər. Panel müzakirələri, seminarlar və təlimlər vasitəsilə iştirakçılar liderlik, idarəçilik və bərabərlik mövzularında yeni biliklər və bacarıqlar əldə edəcəklər. Bu biliklər onların şəxsi və peşəkar həyatında inkişaf etmələrinə kömək edəcəkdir.

Tədbir haqqında daha ətraflı məlumat almaq və iştirak üçün zirvənin rəsmi veb səhifəsinə (www.qlz.az) və sosial media hesablarına keçid edə bilərsiniz.

https://www.instagram.com/qadinliderlerizirvesi/
https://www.facebook.com/profile.php?id=61565512810752
https://www.linkedin.com/company/qad%C4%B1nliderl%C9%99rizirv%C9%99si/?viewAsMember=true