(®) “Baku Flames Beynəlxalq Yaradıcılıq və Effektivlik Festivalı” ilə regionda yaradıcılıq və effektivlik sahəsində yeni bir dövr başlayır.

2025-ci ilin 2-3 may tarixlərində “Jolly Joker Baku”da baş tutacaq festival Azərbaycanın ən mühüm yaradıcılıq tədbiri olmaqla yanaşı, regiondakı kreativ sənayeni yüksəltmək, rəqabəti artırmaq və bu sahələrdəki istedadları tanıtmaq məqsədi daşıyır.

İnteraktiv təlimlər və sessiyalar, panel müzakirələri və netvörkinq imkanlarını özündə birləşdirən proqram sayəsində festival Azərbaycanın və dünyanın müxtəlif yerlərindən gəlmiş yaradıcı mütəxəssisləri, marketinq liderlərini və yeni istedadları bir araya gətirəcək. 2 gün davam edəcək festivalın proqramı isə aşağıdakı kimidir:

- Regionun və dünyanın tanınmış yaradıcı mütəxəssisləri ilə panel müzakirələri;

- Əyləncəli oyunlar, “happy hour” seansları və netvörkinq üçün imkanlar;

- “Young Lions Azerbaijan” müsabiqəsinin qaliblərinin mükafatlandırılması və gənc istedadların tanıtımı;

- Dünya miqyasında tanınmış spiker və marketinq liderlərinin təqdimatında ilhamlandırıcı çıxışlar;

- Festivalın ən önəmli hadisəsi — “Baku Flames Mükafatlandırma Mərasimi”ndə yaradıcı və effektiv işlərin mükafatlandırılması.

Festivalın önəmli və gözlənilən hadisələrindən biri də, şübhəsiz, “Baku Flames Mükafatlandırma Mərasimi”dir. Bu möhtəşəm tədbir festivalın ikinci günündə ən yaradıcı, innovativ və effektiv kampaniyaları, eləcə də fərqli ideyaları və istedadları təltif edəcək. Kateqoriyalar üzrə namizədlər beynəlxalq münsif heyəti tərəfindən qiymətləndiriləcək və qaliblər festivalın 2-ci günündə elan olunacaq. Qeyd edək ki, erkən müraciət mərhələsi yanvar ayının sonunda açıq elan ediləcək və həmin tarixdən etibarən festival biletləri də www.bakuflames.az ünvanında satışa təqdim olunacaq.

“Baku Flames” yalnız festival deyil, həm də yaradıcılığın inkişaf etdirilməsi üçün platformadır. “Əsas missiyalarımızdan biri regionumuzda parlayan istedadların ehtiyacı olduğu səhnə imkanını yaratmaqdır. Özümüzə və gənc istedadlara dəyər verdiyimiz zaman yüksələcəyik. Bundan əlavə, festivalın seçim meyarları və strukturu son dərəcə dəqiq və detallı hazırlanıb, bu isə onu regionda daha xüsusi edir”, — deyə festivalın təşkilatçılarından Orxan Kərimov qeyd edib. Orxan Kərimov regionda və beynəlxalq festivallarda 10 ildən çox təcrübəyə malikdir.

Qeyd etdiyimiz kimi, festival çərçivəsində tanınmış mütəxəssislərin təqdimatları, panel müzakirələri və interaktiv sessiyaları baş tutacaq. Hələ ki, festivalda iştirakı təsdiqlənən şəxslər arasında “MENAP Impact BBDO”nun Baş kreativ direktoru Ali Rez və “Publicis Groupe” şirkətinin Hollandiya və Belçika üzrə Baş kreativ direktoru Eduardo Marques yer alır. Spikerlərin siyahısı və festivalın ətraflı proqramı “Baku Flames”in sosial media kanalları və veb-saytı vasitəsilə açıqlanacaq.

Festival yaradıcı mütəxəssisləri, agentlikləri, markaları və marketoloqları, ən əsası isə gənc istedadları bu tədbirdə iştirak etməyə dəvət edir. Təxminən 1500 iştirakçının qatılacağı “Baku Flames Beynəlxalq Yaradıcılıq və Effektivlik Festivalı” regionun ideya, əməkdaşlıq və ilham mənbəyi olmağa hazırlaşır.

Bu əhəmiyyətli tədbirin bir hissəsi olmaq istəyirsinizsə, aşağıdakı əlaqə vasitələrinə müraciət edə bilərsiniz.

Ətraflı məlumat və əlaqə üçün:

www.bakuflames.az

info@bakuflames.az

+994 55 703 11 20