Azərbaycanın iri bankına illik 7 faizlə 25 milyon dollar lazımdır - ŞƏRTLƏR, HƏRRACIN TARİXİ

Dollarda olan pulunuz ilə illik 7 faiz qazanmaq fürsəti yarandı. Azərbaycanın ən böyük banklarından biri olan “Kapital Bank” illik faiz dərəcəsi 7% olan 25 milyon dollarlıq istiqrazlar buraxır. İstiqrazlara abunə yazılışı 8 yanvar 2025-ci il tarixindən başlayaraq 22 yanvar 2025-ci il tarixinə kimi 15 təqvim günü ərzində keçiriləcəkdir.

Azərbaycanın iri bankına illik 7 faizlə 25 milyon dollar lazımdır - ŞƏRTLƏR, HƏRRACIN TARİXİ

29 dekabr 2024-cü il tarixində Bakı Fond Birjasının (BFB) Listinq Komitəsinin qərarı ilə “Kapital Bank” ASC-nin 25 milyon dollarlıq istiqrazları premium bazar seqmentində listinqə daxil edilmişdir.

Qeyd olunan istiqrazların yerləşdirilməsi Bakı Fond Birjasında abunə yazılışı üsulu ilə həyata keçiriləcəkdir. "Kapital Bank” ASC-nin istiqrazları üzrə abunə yazılışı 8 yanvar 2025-ci il tarixindən başlayaraq 22 yanvar 2025-ci il tarixinə kimi 15 təqvim günü ərzində tamamlanacaqdır.

İstiqrazlar üzrə yerləşdirmə 24 yanvar 2025-ci il tarixində baş tutacaqdır.

Tədavül müddəti 7 il olan istiqrazların hər birinin nominal dəyəri 100 ABŞ dolları, sayı 250 min ədəd, illik gəlirlilik faizi 7%, qazancın investorlara (istiqrazları əldə edənlərə) ödənilməsi periodu hər 3 aydan birdir.

İstiqrazlar üzrə məlumat aşağıdakı kimidir:

Emitentin adı: “Kapital Bank” ASC

Dövlət qeydiyyat nömrəsi – İSİN: AZ2015005153

İstiqrazın növü və forması: Faizli, təmin edilməmiş sənədsiz, adlı

Ticarət üsulu / forması: Kütləvi/ Abunə yazılışı

İstiqrazların sayı: 250 000 ədəd

İlkin ticarət qiyməti: 100 USD

İstiqrazların buraxılış həcmi: 25 000 000 USD

İllik gəlirlilik faizi: 7%

Ödəmə periodu: ildə günlərin sayı 360 (üç yüz altmış) və bir ayda günlərin sayı 30 gün olaraq götürülməklə hər 3 (üç) təqvim ayından bir

Tədavül müddəti: 7 il

Ticarətə buraxılma tarixi: 24.01.2025