Bu gün Türkiyə Mərkəzi Bankı çox mühüm faiz qərarını açıqlayacaq

Bu gün Türkiyə Mərkəzi Bankı çox mühüm faiz qərarını açıqlayacaq

Türkiyə Cümhuriyyəti Mərkəzi Bankının (TCMB) bu gün açıqlayacağı faiz qərarı investorların diqqət mərkəzindədir. TCMB-nin bugünkü iclasında əsas faizinin aşağı salınması prosesində ilk addımı atacağı gözlənilir. Mart ayında 5 bəndlik artımın ardından TCMB faiz dərəcəsini 8 ay ərzində 50 faizdə sabit saxlayıb.

Bu gün Türkiyə Mərkəzi Bankı çox mühüm faiz qərarını açıqlayacaq

Bu gün Bakı vaxtı ilə saat 15:00-da Türkiyə Cümhuriyyəti Mərkəzi Bankı (TCMB) 2024-cü ilin son faiz qərarını açıqlayacaq.

Marja.az xəbər verir ki, TCMB-nin əsas faizini (həftəlik repo faizi) 1,50 faiz bəndi azaldaraq 50%-dən 48,50%-ə endirəcəyi gözlənilir. Bank xeyli müddətdir faizini 50% səviyyəsində saxlayır. Əgər faiz endirimi baş verərsə, bu, Türkiyə üçün yeni dövrün başlanğıcı olacaqdır.

VTB-də minimal faiz dərəcəsi ilə nağd kredit 9.9%-dən

"AA Finance"ın sorğusuna qatılan iqtisadçılar TCMB-nin faizini 1,50 faiz bəndi azaldaraq 48,50 faizə endirəcəyini gözləyirlər. İqtisadçıların 2025-ci ilin sonu üşün faizi proqnozları 29,50%-dir.

Bəzi iqtisadçılar TCMB-nin bu gün faizini sabit saxlayacağını gözləyirlər.

Xarici banklar nə deyir?

Qlobal investisiya banklarından "Morgan Stanley" 2 faiz bəndi, "Deutsche Bank" və "JPMorgan" isə 1,50 faiz bəndi endirim gözlədiyi halda, "Goldman Sachs" faiz endirimini gözləmir.

Son günlər TCMB-nin yumuşaq pul siyasətinə başlayacağı gözləntiləri ilə Türkiyə Lirəsi ucuzlaşıb. Dollar/TL əvvəlki həftəni 0,8 yüksələrək 35,2269 səviyyəsində bağlamışdır.

Bakı vaxtı ilə saat 08:20-də Dollar/Türkiyə Lirəsi məzənnəsi 35,27 lirə səviyyələrində olub.

Dollar psixoloji hədd olaraq hesab edilən 35 lirəni keçdiyi gündən davamlı olaraq yeni rekordlar qırır. ABŞ Mərkəzi Bankının (FED) faiz qərarından sonra Dollar/TL məzənnəsinin yüksəlməsi sürətlənib. Dolların məzənnəsinin ilin sonuna kimi 36 lirəyə çatacağı gözlənilir.

Türkiyə Cümhuriyyəti Mərkəzi Bankı inflyasiyanın yavaşladığını açıqlamışdır.

26.12.2024 08:20