BƏƏ transmilli korporasiyalar üçün 15% vergi tətbiq edəcək

BƏƏ transmilli korporasiyalar üçün 15% vergi tətbiq edəcək

Ölkənin Maliyyə Nazirliyinin məlumatına görə, bu, illik gəliri 750 milyon avrodan çox olan şirkətlərə şamil ediləcək.

BƏƏ transmilli korporasiyalar üçün 15% vergi tətbiq edəcək

Birləşmiş Ərəb Əmirlikləri ölkədə fəaliyyət göstərən iri transmilli şirkətlər üçün 15%-lik Daxili Minimum Əlavə Vergi (Domestic Minimum Top-up Tax, DMTT) tətbiq edəcək.

Marja.az-ın məlumatına görə, BƏƏ Maliyyə Nazirliyi bildirib ki, yeni qaydalar 2025-ci il yanvarın 1-dən qüvvəyə minəcək.

VTB-də yüksək depozit faizləri daha çox qazandırır

Korporasiyalar vergisi qanununa edilən dəyişikliklərə əsasən, DMTT konsolidasiya edilmiş illik gəliri 750 milyon avrodan çox olan müəssisələrə tətbiq ediləcək.

BƏƏ, vergilərin olmaması da daxil olmaqla, əlverişli biznes mühiti ilə Yaxın Şərq regionunda beynəlxalq korporasiyalar üçün mühüm mərkəzdir. Lakin ötən il hökumət illik mənfəəti 375 min dirhəmdən (102 min dollar) çox olan şirkətlər üçün 9% korporativ vergi tətbiq edib. Eyni zamanda, bu vergi əksər beynəlxalq şirkətlərin qeydiyyatdan keçdiyi bir çox azad iqtisadi zonalara təsir etməyib.

Ölkənin Maliyyə Nazirliyi 2026-cı ildən tətbiq oluna biləcək tədqiqat və inkişaf (R&D) üçün stimullar da daxil olmaqla bir sıra korporativ vergi güzəştlərinin tətbiqini nəzərdən keçirir. Tədqiqat və inkişafa sərmayə qoyan şirkətlər 30-50% vergi güzəşti əldə etməklə yanaşı, vergi ödəmələrinin bir hissəsini də geri qaytara biləcəklər.

Yeni vergi qaydaları faktiki olaraq BƏƏ-nin İqtisadi Əməkdaşlıq və İnkişaf Təşkilatının (OECD) 2021-ci ildə başlayan qlobal anti-ofşor təşəbbüsünə qoşulması deməkdir. Bu günə qədər OECD tərəfindən təqdim olunan qlobal vergi islahatı 136 ölkə tərəfindən dəstəklənib.

Birincisi, yüksək və aşağı vergili ölkələr arasında rəqabəti məhdudlaşdırmaq üçün minimum 15% korporativ gəlir vergisinin tətbiqini nəzərdə tutulur. İkincisi, transmilli korporasiyalar üçün verginin müəyyən edilməsidir ki, bu vergi həmin şirkətlərin qeydiyyata alındığı ölkələrdə deyil, onların əməliyyat aparıb gəlir əldə etdikləri yerlərdə ödənilir.

12.12.2024 11:36