Vətəndaşlara neqativ məlumat ödənişsiz tədim olunacaq

Vətəndaşlara neqativ məlumat ödənişsiz tədim olunacaq

Azərbaycanda “Kredit büroları haqqında” qanun dəyişib

Vətəndaşlara neqativ məlumat ödənişsiz tədim olunacaq

Prezident İlham Əliyev “Kredit büroları haqqında” qanunda dəyişiklik edilməsi barədə qanun təsdiqləyib.

Yenilənmiş qanuna əsasən, bundan sonra vətəndaşlar kredit bürosunun müəyyən etdiyi qaydada barəsində büroya daxil olmuş neqativ məlumat haqqında ödənişsiz bildiriş ala biləcək.

VTB-də minimal faiz dərəcəsi ilə nağd kredit 10.49%-dən

Bildirişdə neqativ məlumatı verən məlumat təchizatçısı göstəriləcək.

XXX

“Kredit büroları haqqında” Azərbaycan Respublikasının Qanununda dəyişiklik edilməsi barədə Azərbaycan Respublikasının Qanunu

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 10-cu və 27-ci bəndlərini rəhbər tutaraq qərara alır:

“Kredit büroları haqqında” Azərbaycan Respublikasının Qanununda (Azərbaycan Respublikasının Qanunvericilik Toplusu, 2016, № 12, maddə 1997 (Cild I); 2024, № 5 (I kitab), maddə 489) aşağıdakı dəyişikliklər edilsin:

1. 2.0.7-ci maddədə “Elektron hökumət” portalı” sözləri “Elektron Hökumət İnformasiya Sistemi (bundan sonra – EHİS)” sözləri ilə əvəz edilsin.

2. 12.4.1-ci və 14.0.1-ci maddələrdə “12.2.5-ci maddəsində” sözləri “12.2.4-cü və 12.2.5-ci maddələrində” sözləri ilə əvəz edilsin.

3. 12.5-ci maddə üzrə:

3.1. birinci cümlədə “12.2.5-ci maddəsi” sözləri “12.2.4-cü və 12.2.5-ci maddələri” sözləri ilə əvəz edilsin;

3.2. ikinci cümlədə “Elektron hökumət” portalında” sözləri “EHİS-də” sözləri ilə əvəz edilsin.

4. 14.0.3-cü maddəyə “almaq” sözündən sonra “, habelə kredit bürosunun müəyyən etdiyi qaydada barəsində kredit bürosuna daxil olmuş neqativ məlumat haqqında kredit bürosundan ödənişsiz bildiriş (neqativ məlumatı verən məlumat təchizatçısı göstərilməklə) almaq” sözləri əlavə edilsin.

5. 17.5-ci maddənin birinci və ikinci cümlələrində, 22.5-ci maddədə “Elektron hökumət” portalında” sözləri “EHİS-də” sözləri ilə əvəz edilsin.

6. 19.0.3-cü maddədə “Elektron hökumət” portalından” sözləri “EHİS-dən” sözləri ilə əvəz edilsin.

İlham Əliyev

Azərbaycan Respublikasının Prezidenti

Bakı şəhəri, 7 noyabr 2024-cü il

28.11.2024 14:56

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az